Гүлнар Аманжолова: Ұстамдылық, ұқыптылық – темір жолмен келген қасиет

ҚТЖ келбеті
06.03.2024, 12:32
Суретті түсірген Александр Жабчук
Қазақстан теміржолшысы

Қазақстан темір жолында он саусағынан өнер тамған нәзік жандылар өте көп. Солардың бірі елордадағы ҚТЖ-ның бас ғимаратындағы Автоматика және цифрландыру дирекциясының бас маманы Гүлнар Аманжолова.

Кейіпкеріміздің теміржол саласында тер төгіп жүргеніне ширек ғасырдай болыпты.  Еңбек жолын 2000 жылы Орал локомотив пайдалану депосында кадр бөлімінде бастаған Гүлнар ол кезде тек теміржол вокзалы мен пойыз жайлы ғана естіп білгенін  айтады.

«Алғаш  жас маман болып жұмысқа қабылданғанымда маған жүк пойызы мен жолаушылар пойызын жүргізетін мамандарды жұмысқа қабылдау,  локомотив машинисі, машинист көмекшісі мамандары құжаттарының толық болуын тексеру, машинистерге біліктілік сыныбын өткізу іс-шарасын ұйымдастыру, комиссия мүшесі қатарында болу сияқты міндеттер жүктелді. Бұл өте маңызды жауапкершілігі мен қызығы мол қызмет еді. Теміржолшы мамандығы –  мені  шойындай шыңдалып,  жауапкершілік жүгін абыроймен арқалауға тәрбиеледі. Темір жолдағы темірдей тәртіп мені  үйде де, түзде де қашанда жинақы жүруге, ұқыптылыққа үйретті. Ал кадр мамандары үнемі  адамдармен тікелей қарым-қатынаста жұмыс істейтін болғандықтан ұстамды болуы маңызды. Өйткені, адамдардың мінез-құлқы, ой-түсінігі әртүрлі болып келеді.  Бірақ, теміржолда еңбек еткеніме еш өкінген емеспін.  Локомотив бригадаларымен, депо қызметкерлермен еңбек тәртібі жөнінде сұхбаттар өткізіп, әртүрлі іс-шараларды  ұйымдастыру,  зейнет жасына жеткен  еңбеккерлерді құрметті демалысқа  шығарып салу бір ғанибет іс еді», – деп еске алады деподағы еңбек жылдарын Гүлнәр.  

Кейіпкеріміз білімге құмар жан. Білім-біліктілігін уақыт талабына сай арттырып,  үнемі ізденіс үстінде жүреді. Еңбегі бағаланып, 2016 жылы  қызмет бабымен Астанаға «ҚТЖ» ҰК»  АҚ-ның бас ғимаратына «Бас есептеу орталығына» кадр бөліміне ауысып келді. Кешегі жас маман бүгінде салмақты да білікті маманға айналған. Еңбекқорлығы мен тиянақтылығымен көзге түсіп, өз ісінің нағыз білгіріне айнала білді.

Гүлнар қолы бос кезінде отбасымен таза ауада серуендеуді ұнатады, спортпен шұғылданады. Оған қоса шығармашылық деңгейін көтеру мақсатында әдеби кітаптарды  көп оқиды, ән салады. «Қазақстан темір жолы» компаниясы ұйымдастырған Наурыз мейрамы, тағысын тағы мерекелік концерттерде сахна төрінде ән шырқап, көрермендер қошеметіне бөленіп жүреді.    

Компанияның өркендеуіне өз үлесін қосып келе жатқан білікті маманның еңбегі үнемі еленіп, көптеген алғыс хаттармен марапатталған. «Әйел – бір қолымен бесікті тербетсе, екінші қолымен әлемді тербетеді» деп бекер айтпайды. Гүлнар екі қызды тәрбиелеп, бүгінде олардан үш немере сүйіп отыр.  

Жаңалықтар
15.04.2024
ҚТЖ арнайы техниканы су тасқыны болған аймақтарға жеткізуді жалғастыруда
Жаңалықтар
15.04.2024
Жыл басынан бері 4,7 млн тоннадан астам мұнай өнімі тасымалданды
Жаңалықтар
15.04.2024
Су басқан аймаққа Түркістан өңіріндегі теміржолшылар да атсалысуда
Аймақтар
15.04.2024
Талас станциясынан 24 арнайы ауыр техника тиеген құрам жолға шықты
Жаңалықтар
15.04.2024
Су тасқыны кезінде 21 мыңға жуық адам ҚТЖ пойыздарымен тасымалданды
Аймақтар
15.04.2024
Ақтөбеге ауыр техникалар келді
Аймақтар
15.04.2024
Қызылордадан БҚО-ға жүк пойыздарына тиелген 106 арнайы техника жөнелтілді
Аймақтар
15.04.2024
Атыраулық теміржолшылар су тасқынына қарсы жұмыстарға атсалысып жатыр
Жаңалықтар
13.04.2024
Қазақстан теміржолшылары жаппай сенбілік өткізді
Жаңалықтар
13.04.2024
Ұлттық тасымалдаушы тағы үш қосымша пойыз тағайындайды
Жаңалықтар
13.04.2024
ҚТЖ пойыз билеттерінің құнын бұрынғы деңгейде сақтайды
Аймақтар
12.04.2024
Маңғыстау станциясынан Атырауға техника, құрал-жабдықтар жөнелтілуде
Жаңалықтар
12.04.2024
Су тасқыны: техникалар ҚТЖ пойыздарымен тасымалданды
Қауіпсіздік
12.04.2024
Жол бойындағы төрт түлік жолаушылардың өміріне қауіп төндіріп тұр
Темір жол тарихы
12.04.2024
Қазақ темір жолының 120 жылдығына орай көрме өтті
Жүк тасымалы
12.04.2024
Жүктерді темір жол көлігімен тасымалдау бірінші тоқсанда 2,4% өсті
Жаңалықтар / Мұрағат
12.04.2024
«Қазақстан теміржолшысы» газеті, №32 12 сәуір 2024 жыл
Қауіпсіздік
12.04.2024
Темір жолды белгіленбеген жерден кесіп өткен 11 мыңнан астам азамат әкімшілік жауапкершілікке тартылды
Аймақтар
12.04.2024
Атырауда методикалық сабақ өтті
Жаңалықтар
12.04.2024
Вокзал маңы абаттандырылады