Дарақ бір жерден көгереді

ҚТЖ келбеті
08.03.2024, 13:09

Өткен ғасыр алпысыншы жылдардың ортасында Мақат – Маңғышлақ теміржол желісі салынып, тұрақты пайдалануға берілуімен қатар аймақта көптеген теміржол мекемелері құрыла бастады. Солардың бірі бүгінгі Құлсары белгі беру және байланыс дистанциясы, міне алпыс жылға жуық теміржолға қызмет етіп келеді.

Мен осы мекемеде ширек ғасырға жуық кадр бөлімінің жетекшісі болып еңбек еттім. Бүгінгі еңбек ұжымының дені – кешегі күні жас маман болып келіп, көз алдымда өскендер. Қаншама жас жолдамамен келіп жұмысқа орналасып, оларға тәжірибелі мамандарды тәлімгер етіп беріп, жұмысқа баулығанымыз күні бүгінгідей есімде. Бүгінгі әңгімеміздің арқауы сол кездегі жас бойжеткен, бүгінде сол мекемеде өсіп-өнген тәжірибелі диспетчер Гүлжамал Айтқалиқызы туралы болмақ.  

Мақат ауданындағы Доссор кентінде мұнайшы отбасында дүниеге келген Гүлжамал мектеп бітірген соң Гурьев теміржол техникумына автоматика және телемеханика мамандығы бойынша оқуға түсіп, 1991 жылы бітірген соң Құлсары белгі беру және байланыс дистанциясына жолдамамен келген еді.  Мекеменің сол кездегі басшысы Б.Оразовтың қабылдауында алғаш көріп, кіп-кішкентай талдырмаш келген сүйкімді қызды Құлсары байланыс үйінің 4-ші разрядты электромонтері етіп жұмысқа қабылдаған едік. Міне, содан бері табан аудармай осы мекемеде еңбек етіп келе жатыр. Қазіргі таңда ауысымдық байланыс диспетчері. Өндірістен қол үзбей Ақтөбе қаласындағы С.Байшев атындағы университетін сырттай оқып бітіріп, «Автоматтандыру және басқару» мамандығы бойынша жоғары білім алған.

– Құлсары белгі беру және байланыс дистанциясының Мақат-Бейнеу, Бейнеу-Оазис, Бейнеу-Тассай учаскелері бойынша қызмет учаскелерінің ұзындығы 694,4 км құрайды. Байланыс диспетчері теміржол автоматикасы, телемеханика және байланыс құрылғылары мен жүйелерінің қауіпсіз жұмыс істеуіне, бекітілген кестелерге сәйкес, СОБ, КТСМ, радио, байланыс құрылғылары мен жүйелеріне техникалық қызмет көрсетуге, оларды жөндеу, жаңғырту және қайта құру жөніндегі жұмыстарды ұйымдастырып, тиімді жүргізілуіне жауапты. Яғни құрылғылардың жұмыс сенімділігін арттырып, пойыздардың қозғалыс қауіпсіздігі сақталуын қамтамасыз ету болып табылады.  

Әр саланың өз қиындығы, өз қызығушылығы болады. Әсіресе теміржол саласы – қиындығы көп, күрделі сала. Дегенмен, міне 26 жыл 4 ай болды осы дистанцияға келгеніме, кезінде маған ұстаздарым қалай үйретсе, бүгінде мен де жастарды солай үйрететін дәрежеге жеттім. Менің кәсіби білім алуыма және тәжірибе жинақтауыма көп көмек қолын созған алғашқы ұстаздарым марқұм Қаусова Бақтылы апа мен әріптесім Алмадиева Ақөрік болды. Қызмет бабында аға байланыс диспетчері дәрежесіне дейін көтерілуіме себепші болған сол кездегі дистанция СОБ орынбасары Қ.С. Құттыбаевқа және өндірістік сабақ беру шебері Ж.Б.Жетібаевқа деген алғысым мен құрметім шексіз. Осы ұжымға бір кісідей еңбегі сіңген әріптес аға-апалар, замандастарым – марқұм С.Жұлдызов, С.Әлдібаев, Қ.Өтегенов, сіңлімдей болған Ж.Балмұқанбетова, бүгінгі күні бірге жұмыс жасап жүрген аға байланыс диспетчері А.Өміров, байланыс диспетчерлері А.Жұбаназаров, Э.Омарова, Ж.Әбдіғалиев, тағы басқа әріптестерімнің әрқайсысының мен үшін орны бөлек, – деп сырын ақтарды бір кездескенде Гүлжамал.

Бұл баяғы үлбіреген 20 жасар бойжеткен емес, өз-өзіне сенімді тәжірибесі толысқан маман. 2016 жылы «Қазақстан Республикасының Тәуелсіздігіне 25 жыл» мерекелік медалімен, ал 2022 жылы «ҚТЖ» ҰК» АҚ 25 жылдығына арналған мерекелік медальмен марапатталды. Отбасын құрып, өмірлік жары Серік екеуі ұл мен қызды өсіріп жеткізіп, Айзада, Ерасыл, Аманай, Айзиба атты немере сүйіп отыр. Жолдасы мұнай саласында жұмыс істейді.  

Меңдібай ХАЙРУЛЛИН, 

Құлсары қаласы

Жүк тасымалы
22.11.2024
Қостанай ЖТ бөлімшесі қараша айында 2 359 вагон астық тиеді
ҚТЖ келбеті
22.11.2024
Жол монтерлерінің бір күні
Қауіпсіздік
22.11.2024
Жамбыл өңірінде қыста да қараусыз мал тиылмайды
Аймақтар
22.11.2024
«Syrmaq Fest»: Маңғыстаулық теміржолшы қолөнер көрмесін ұйымдастырды
Қауіпсіздік
22.11.2024
Шымкент станциясында өндіріс жарақатының алдын алу шарасы өтті
Әлеумет
22.11.2024
Күзет қызметкерлеріне көрсетілетін қолдау көп
Жаңалықтар
22.11.2024
Кәсіподақ сарапшылары құзыретін арттырды
Цифрландыру
22.11.2024
ІТ тақырыбына арналған білім сайысы өтті
Жаңалықтар / Мұрағат
22.11.2024
«Қазақстан теміржолшысы» газеті, №99 22 қараша 2024 жыл
Жолаушылар тасымалы
21.11.2024
№42 «Атырау-Алматы» жолаушылар пойызының қозғалысы уақытша тоқтатылады
Жаңалықтар
21.11.2024
Құрық портының түбін тереңдету жұмыстары мерзімінен бұрын аяқталды
Спорт
21.11.2024
Теміржолшылар арасында спартакиада өтті
Жаңалықтар
21.11.2024
ҚТЖ жол диагностикасының инновациялық технологияларын енгізуде
Жаңалықтар
21.11.2024
ҚТЖ Еуропадағы терминалдық желіні кеңейтуде
Жолаушылар тасымалы
20.11.2024
Семейде қаламаңы тасымалында тиімді бағдарлар көбейеді
Жүк тасымалы
20.11.2024
Ақмола бөлімшесі 307 мың тоннадан астам астық тиеді
Жаңалықтар
20.11.2024
Қазақстан көлік-транзит дәліздерін ТМД + форматында дамытпақ
Әлемде
20.11.2024
Қытай – Қырғызстан – Өзбекстан темір жол құрылысы бойынша келіссөздің соңғы сатысы жүріп жатыр
Жаңалықтар
20.11.2024
Мәскеуде Қазақстан мен Ресей көлік министрлері кездесті
Жаңалықтар
19.11.2024
Ақмола теміржолшылары республикалық ІТ-семинардың жеңімпазы атанды