Қырағы вагон қараушы
Түркістан облысы бойынша меншікті тілші
Қырағылық – қашан да адамның жүзін жарқын, абыройын асқақ ететіні сөзсіз. Арыс вагон пайдалану депосында еңбек ететін жас маман Дінмұхамет Оспанәлі жақында ғана бір емес, екі рет вагон ақауын анықтап қырағылық үлгісін көрсетіп, әріптетерінің мақтанышына айналды.
– Мен ол кезде күндізгі ауысымда «Оңтүстік» парктегі 45-ші жолда жылжымалы құрамдарға техникалық қызмет көрсетіп жаттым. Арнайы шаблонды қолданып, тексеру барысында Өзбекстанға бағыт алған цистерна автотіркеуішінің үлкен бекітпесінің ішкі тұсында 65 миллиметрлік жарықшақты байқадым. Дереу, аға маманға хабар бердім, – дейді Д. Маратұлы.
Кейіннен мамандардың мұқият тексеруінің нәтижесінде, аталған вагонды жылжымалы құрамнан ағыту жөнінде шешім қабылданған. Бұл 23 маусым болатын. Қызық болғанда, арада тәулік өтпей 24 маусымда түнгі ауысымға түскен Дінмұхамет таңалакеуімде әдеттегі қызметтік міндетін атқарып жүріп, жүк тиелген жабық вагоннан тағы да ақау анықтайды.
– Бұл жолғы жарықшақтың көлемі 20х60 милимметр шамасында болғандықтан, көзге бірден көрінетіндей жағдайда еді. Вагон бірден құрамнан ағытылып, жөндеуге жіберілді, – дейді ол.
Айта кетейік, Дінмұхаметтің 5 жылдан бері аталған депода вагон қараушы болып жұмыс істеп келеді. Оның қырағылық қабілеті құдды бір қанмен келген бе дерсің. Өйткені, атасы әкесі Марат та, атасы Оспанәлі де темір жолда тер төгіп, осы салада еңбек етіп жүрген жандар. Қызық болғанда теміржолшылар әулетінің бәрі де вагон қараушылар екен.