Шетпе станциясының жол қауіпсіздігін сақтау ревизоры

ҚТЖ келбеті
30.08.2020, 11:52
Шахида Жұман

Маңғыстау облысы бойынша меншікті тілші

Үстіміздегі жылды Маңғыстау жүк тасымалы бөлімшесі «Қозғалыс қауіпсіздігі ережелерінің бұзылуын болдырмау» жылы деп жариялаған. Сондықтан, биыл түбек теміржолында қауіпсіздікті сақтауға жылдағыдан да назар күшейтілген. Шетпе станциясына бет алған біз №16-6 бекеттері аралығында жол қауіпсіздігін сақтау ревизоры Бекзат Бердібаевты кездестірдік.

Бекзат Жаңбырбайұлы осы Шетпеде туып-өскен. 2005 жылы сол жердегі орта мектепті бітірген соң Алматыдағы М.Тынышбаев атындағы жоғары оқу орнына түсіп, төрт жылдан соң «теміржолшы» дипломымен оралды. 2009 жылдан 2014 жылға дейін №11, 12, 13 бекеттерде станция кезекшісі болады. 2014 жылы Шетпе станциясы бастығының орынбасары болды. 2016 жылдан бастап жол қауіпсіздігін сақтау ревизоры болып тағайындалып, күні бүгінге дейін еңбек етіп келеді.

− Осы жылды филиал директоры «Қозғалыс қауіпсіздігі ережелерінің бұзылуын болдырмау» жылы деп жариялады. Сол бойынша тиісті жұмыстар жыл басынан бері атқарылуда. Жоспар жасалып, соған сай тексерістер өз уақытымен өткізілуде. Әрине, пандемия жағдайына байланысты бірқатар өзгерістер енгізілгені белгілі, бірақ қауіпсіздікті тексеру жоспардан ауытқыған емес және ол адам жинап, бас қосатын жұмыс емес, жалғыз жүріп те тексере береміз, – дейді Бекзат Бердібаев.

Бір қызығы, осы жерде туып-өскен, жергілікті елдің бәріне таныс болса да Бекзатты теміржолшылар еңбекқорлығы мен тиянақтылығы, қадалған жерден қан алатын талапшылдығы үшін сыйлайды. «Ревизор келе жатыр, ұятты болып қалмайық...» деп кем-кетіктерін жойып, ескерту алмауға тырысады.

Оның телімінде түрлі класты бірнеше бекет, станция кіреді. Мысалы, бесінші класты №16, 15, 14 бекеттері. Бұл бекеттердің бәрін бір басшы басқарады. Сол сияқты бесінші класты №11, 12, 13 бекеттері де бір жерден басқарылады.

Ал, Шетпе болса, екінші класты станция. Бұл станциядан жүк түсіру, тиеу бар. Шетпеден негізінен жергілікті өнімдер – цемент, қиыршық тас тиеледі. Сондай-ақ, №10, Маната, 9 бекеттер, Сай-Өтес станциясы, №6, 7 бекеттері де Б.Бердібаевтың қадағалауындағы телімдерге кіреді. Осы аталған станция, бекеттерде басшыдан бастап станция кезекшілері, пойыз құрастырушылар, барлығының да жұмыс процестерін қарап, қауіпсіздікті қадағалау – Бекзаттың жұмысы.

− Қауіпсіздікті сақтауда оған кері әсер ететін титтей де фактор болмауға тиіс. Мысалы, жұмыс уақытында станция кезекшісі мен пойыз құрастырушының, машинистің арасында рациямен байланысқанда сөйлеудің өз заңдылықтары болады. Яғни, рациямен машинистің қозғалуына рұқсат беру керек. Сондай кездерде ереже сақталмайтын жағдайлар кездеседі. Біз сол кемшіліктердің қайталанбауына жұмыстанамыз. Кейде пойыз құрастырушыдан да кемшіліктер кетіп жатады. Башмакты қойған уақытында вагонның санына қарай салмақты ескеріп, қанша башмак кетуін есептеу керек. Егер де бір башмак жетпей қалса, ол да кемшілік. Сол үшін де ревизордың жұмысы аса жауапкершілікті талап етеді. Жұмыс барысында техникалық құжаттарды қараймыз. Пойыз құрастырушылардың жұмыстарын, маневр уақытында қандай әрекеттер болады, қалай істеледі, соларды көреміз. Станция бекеттердің арасында күрделі жөндеу жұмыстары өтіп тұрады. Былтыр Сай-Өтес, Шетпе станцияларының белгілі бір аралығында күрделі жөндеу болды. Сол жұмыстың басы-қасында, жолды қабылдап алып, қозғалыс тұрақталғанша бақылауда боламыз, – дейді қауіпсіздік ревизоры. 

Аймақтар
18.09.2025
Көкшетауда Құрметті теміржолшы Мұратбек Тілеуленовпен кездесу өтті
Жаңалықтар
18.09.2025
Теміржолшылар экологиялық акцияны белсенді қолдады
Жүк тасымалы
18.09.2025
Қазақстаннан Қытайға өсімдік майының пилоттық партиясы жеткізілді
Цифрландыру
18.09.2025
Германия теміржолға 5G желісін енгізуде
Жаңалықтар
18.09.2025
Қарағандыда жүк пойызынан дизель ұрлаған қылмыстық топ ұсталды
Жаңалықтар
18.09.2025
Алматыда оқыту семинары өтті
Жолаушылар тасымалы
17.09.2025
Адамдар неге пойызбен жүруді жөн санайды?
Жолаушылар тасымалы
17.09.2025
Тағы қай бағыттың пойыздары Starlink интернетіне қосылатыны айтылды
Әлемде
17.09.2025
Калифорнияда сутекпен жүретін алғашқы пойыз іске қосылды
Жаңалықтар
17.09.2025
ALT университетінде ҚТЖ басшыларына арналған «Үздіктер алаңы» бағдарламасы басталды
Жүк тасымалы
17.09.2025
Қостанай өңірінен темір жолмен астық тасымалдау 20%-ға артты
Жаңалықтар
17.09.2025
Теміржолшылар қалдықтарды сұрыптау жолдарын үйренді
Жаңалықтар
16.09.2025
Теміржолшылардың қысқы маусымға дайындығы талқыланды
Жүк тасымалы
16.09.2025
Қытай – Қазақстан – Түрікменстан – Иран теміржол дәлізі жанданады
Трансформация
16.09.2025
Жүк тасымалы мен магистральдық желіні біріктіру – уақыт талабы
Аймақтар
16.09.2025
Қысқа әзірлік қарқынды жүргізілуде
Қауіпсіздік
16.09.2025
Екі көпір тұрса да, ерінетіндер көп
Аймақтар
16.09.2025
Әулиеата командасы бас жүлдені жеңіп алды
Қауіпсіздік
16.09.2025
«ҚТЖ»-да еңбек қауіпсіздігі мен экология бойынша үздіктер анықталды
Жаңалықтар / Мұрағат
16.09.2025
Қазақстан теміржолшысы газеті, №75 16 қыркүйек 2025 жыл