Жамбыл теміржолы бөлімшесінде биыл қозғалыс қауіпсіздігіне қатысты 13 оқиға тіркелді
Тараз қаласы бойынша меншікті тілші
Жамбыл теміржолы бөлімшесінде қозғалыс қауіпсіздігі және еңбекті қорғау мәселесіне тұрақты көңіл бөлінеді. Дегенмен, алғашқы жартыжылдықта қозғалыс қауіпсіздігіне қатысты 13 оқиға орын алып, кінәлілер жауапқа тартылды.
Тек қана қозғалыс шаруашылығы бойынша 8 оқиға тіркелген. Өндірістік жарақат алудың да бір оқиғасы болды. Шу локомотив пайдалану депосының машинисі С.Спатаевқа қатысты бұл оқиғаны тексерген комиссия жұмыс берушінің кінәсі – 40 пайыз, ал жұмысшының кінәсі 60 пайыз екенін дәлелді. Осыған орай филиалдың 11 қызметкері тәртіптік жауапкершілікке тартылды. Сондықтан биыл бөлімше бойынша қозғалыс қауіпсіздігіне жауапты әрбір маманның жауапкершілігін арттырып, біліктілігін көтеруде Ұлттық Компания бекіткен хаттамалық шешімдер мен талаптарды орындауда бірнеше іс-шара жоспарланып отыр.