Тренинг: Қауіпсіздік және еңбекті қорғау
«Қазақстан теміржолшысы» газетінің тілшісі
«ҚТЖ» ҰК» «Жолаушылар тасымалы» АҚ ұйымдастыруымен бүгін Батыс аймағында семинар-тренинг өтіп жатыр.
«Өндірістік қауіпсіздік - ұжымдық мәдениеттің бір бөлшегі» тақырыбындағы семинарға қауіпсіздікке жауапты қызметкерлер шақырылған.
«Қазпрофтранс» АҚ бас инспекторы Қайрат Мұқанов, “ҚТЖ” ҰК” АҚ департамент директоры Сұңғат Назыров, “Жолаушылар тасымалы” АҚ-ның бас инженері Қайрат Қанапин бастаған басшылық ұжым білім жетілдіру семинарында. Сонымен қатар шарада бас инженерлер мен участок басшвлары қатысып отыр.
Семинар-тренингте сапалы қызмет жобасын жетілдіру, өндірістегі қауіпсіздікті арттыру, ұжымдық мәдениетті қалыптастыру тақырыптары талқыланып жатыр.
«Шара бір күндік болса да үлкен маңызға ие. Бұрынғы қателіктермен жұмыс істеп, пікір алмастық. Тәжірибе алмасу да маңызды. Мұндай жиын көптен болмады. Таныстың жұмысты әрі қарай жандандыруға, жаңа дүниелерді енгізуге септігін тигізеді. Алдағы уақытта өз жемісін береді деп ойлаймыз. Жұмыс негізінен өндірістегі жарақатты болдырмау, еңбек қауіпсіздігі жайында өрбиді»,- деді “Жолаушылар тасымалы” АҚ-ның бас инженері Қайрат Қанапин.
Іс-шара жоспарында еңбек қауіпсіздігі және еңбекті қорғау қызметінің қызметкерлерін, қауіпсіздік мәдениеті бойынша жоғары және орта буын басшыларын оқыту көзделген.
«Шара дәстүрлі түрде өтеді. Тәжірибе алмасып, диалог түрінде сұрақ-жауап ұйымдастырылған. Қауіпсіздік мәдениетін қалыптастыру біздің компания үшін маңызды. Қызметкерлердің қауіпсіз мінез-құлқын және оның еңбек қауіпсіздігі мен еңбекті қорғау мәселелеріне қатысуын ынталандырады»,- деді “Жолаушылар тасымалы” АҚ Батыс аймақтық филиалының бас инженері Қайрат Әбдіров.
Тренер мен қатысушылар арасында жиі диалогтық байланыс болып, ойындар ұйымдастырылды.
