Семейде өндірістік жарақаттың алдын алуға арналған семинар өтті

Қауіпсіздік
30.11.2023, 17:04
Суретті түсірген автор
Қуаныш Қожаев

Абай облысы бойынша меншікті тілші

Жуырда Семей ЖТ бөлімшесінде «Кернеудегі өмір. Өндірістік жарақаттардың алдын алу» тақырыбында мән-маңыздылығы ерекше семинар өтті. Аталған шараға негізінен ұжым қызметкерлерінің өмірі мен денсаулығына жауапты саналатын мекемелер мен станциялар, бөлімдер басшылары жиналды. Шараның өтуіне бөлімшенің өндірістік қауіпсіздік бөлімі мен салалық кәсіподақ ұйымы ұйытқы болды.

Семинардың беташар рәсімін Семей ЖТ бөлімшесінің бас инженері Думан Жылқыбаев алғысөзбен ашып, қатысушыларға лебіз білдірді. Сонымен қатар, өндіріс орнындағы қауіпсіздік пен сақтық шаралары және биыл туындаған жазатайым оқыс оқиғалар жайлы баяндады. Оған қоса, еңбекті қорғау мақсатында ұйымдастырылған жоспарларымен де таныстырды.  

- Сіздерді жинап, семинар өткізудегі негізгі мақсат – еңбекті қорғау бағытындағы жұмыстарды ұйымдастыру бойынша дұрыс көзқарас қалыптастыру, өндірістік жарақаттардың алдын алу, - деді өз сөзінде Думан Дәулеткелдіұлы.

Басқосуда сондай-ақ, Абай облысы бойынша еңбек инспекциясының мемлекеттік инспекторы Бауыржан Әміртаев та сөз алып, тақырып аясында сөз өрбітті. Жұмыс беруші мен қызметкер арасындағы еңбек келісімшартының орындалуы, жұмыс орнындағы қауіпсіздік талаптары жайлы сөз өрбітті.  

Сонымен қатар, арнайы шақырылған мәртебелі меймандар - Семей бөлімшелік көліктегі санитарлық бақылау басқармасының бөлім басшысы Эльвира Тұрысбекова және «Семей теміржол емханасы» ЖШС-нің бөлім жетекшісі Елена Третьяковалар да тақырып аясында баяндама жасады. Бұл орайда теміржолшылар арасында жиі кездесетін сырқат түрлері жайлы сөз еткен Елена Борисовна жұмыс орнындағы өлім-жітімнің алдын алу, сала қызметкерлерінің бойында кездесетін «кәсіби сырқаттар» жайлы әңгімелеп берді.  

- Медициналық зерттеулер көрсеткендей, тепловоз машинистерімен кеңсе қызметкерлерінің арасында ең жиі кездесетен жүрек-қан тамыр аурулары желі бойында жүретін жолшылар арасында өте төмен екен. Таза ауада ұзақ болып, жаяу жүрудің артықшылығын осыдан-ақ аңғаруға болады, - деген Елена Борисовна дұрыс тамақтану, күйзеліске жол бермеу жайлы да кеңес берді. Сәйкесінше дәрігерге қойылған сауалдар да көп болды.

Сонымен қатар, жиын барысында Өскемен локомотив пайдалану депосының өндірістік қауіпсіздік және экология секторының басшысы Қанат Мақашев та баяндама жасады. Ол осы жылдың ақпан айында жұмыс орнындағы еңбек қауіпсіздігі шараларын сақтамау салдарынан орын алған тепловоз машинисінің тосын қазасы және оның себебі жайлы айтып берді. Сондай-ақ, болған оқиғаға негізделген, теміржолшылар қауымы өздері түсірген деректі фильм де көрсетілді.  

Семинар барысында «Электр тоғының ағзаға әсері», «СКД6е, 2ТЭ10М және ТЭ33А сериялы локомотивтеріндегі электр қауіпсіздігін сақтау ережелері», «Өндірістік жарақаттардың алдын алу бойынша профилактикалық жұмыстар», «Қауіпсіздік мәдениетін көтеру» сынды тақырыптар бойынша баяндамалар жасалды. Теміржолшылар алдында сөз алған Бекзат Кәрімханов, Берікжан Конкашев, Айжан Ботаханова сынды өндірістік қауіпсіздік саласына жауапты мамандар тұшымды мысалдар келтіріп, тақырып аясында әңгіме өрбітті.

Басқосудың соңына таман барша айтылған фактілер сарапқа салынып, қатысушылар шақырылған мамандармен пікір алмасты.

Ал, семинардың соңында өндіріс орнында жарақтану мен оқыс жайттарға жол бермеген бірқатар станция басшылары марапатталды. Атап айтсақ, бөлімше басшысының бірінші орынбасары Қуаныш Әміренов еңбек қорғау мәдениетін жоғары деңгейге көтергені үшін Суықбұлақ станциясы, Шар станциясы, Аягөз локомотив пайдалану депосы, Семей вагон пайдалдану депосы сынды бірқатар іргелі мекемелердің ұжымдарына бөлімше басшысының Алғыс хатын табыстады.

Ал, семинар аяқталған соң, кешкісін барша қонақтар, әсіресе Өскемен, Алтай, Бұқтырма станцияларынан келгендер Семейдегі Абайдың тарихи-мәдени және әдеби-мемориалдық мұражайын аралап, руханият әлемімен танысты.

Жаңалықтар
18.09.2025
Алматыда оқыту семинары өтті
Жолаушылар тасымалы
17.09.2025
Адамдар неге пойызбен жүруді жөн санайды?
Жолаушылар тасымалы
17.09.2025
Тағы қай бағыттың пойыздары Starlink интернетіне қосылатыны айтылды
Әлемде
17.09.2025
Калифорнияда сутекпен жүретін алғашқы пойыз іске қосылды
Жаңалықтар
17.09.2025
ALT университетінде ҚТЖ басшыларына арналған «Үздіктер алаңы» бағдарламасы басталды
Жүк тасымалы
17.09.2025
Қостанай өңірінен темір жолмен астық тасымалдау 20%-ға артты
Жаңалықтар
17.09.2025
Теміржолшылар қалдықтарды сұрыптау жолдарын үйренді
Жаңалықтар
16.09.2025
Теміржолшылардың қысқы маусымға дайындығы талқыланды
Жүк тасымалы
16.09.2025
Қытай – Қазақстан – Түрікменстан – Иран теміржол дәлізі жанданады
Трансформация
16.09.2025
Жүк тасымалы мен магистральдық желіні біріктіру – уақыт талабы
Аймақтар
16.09.2025
Қысқа әзірлік қарқынды жүргізілуде
Қауіпсіздік
16.09.2025
Екі көпір тұрса да, ерінетіндер көп
Аймақтар
16.09.2025
Әулиеата командасы бас жүлдені жеңіп алды
Қауіпсіздік
16.09.2025
«ҚТЖ»-да еңбек қауіпсіздігі мен экология бойынша үздіктер анықталды
Жаңалықтар / Мұрағат
16.09.2025
Қазақстан теміржолшысы газеті, №75 16 қыркүйек 2025 жыл
Жаңалықтар
15.09.2025
ҚТЖ мен РЖД стратегиялық ынтымақтастық бойынша басым бағыттарды айқындап алды
Әлеумет
15.09.2025
Теміржолшының студент баласына жол ақысы өтеледі
Жүк тасымалы
15.09.2025
Мамыр-қыркүйек аралығында 24 млн тонна көмір тасымалданды
Цифрландыру
15.09.2025
Бейнеу станциясы цифрландыруға көшеді
Станция тынысы
15.09.2025
Жұмыс сапасы жіті назарда