ҚТЖ-да өрт қауіпсіздігі бойынша жоспардан тыс тексерулер мен оқу-жаттығу өткізілді
«ҚТЖ» ҰК» АҚ құрылымдық бөлімшелері мен еншілес кәсіпорындарының ғимараттарында өрт қауіпсіздігі мен өртке қарсы жаттығулар талаптарының орындалуына жоспардан тыс 77 тексеру жүргізілді.
Іс-шаралар қорытындысы бойынша ғимараттар мен пойыздарда өрт туындаған кезде персоналдың іс-қимылдары пысықталды. Эвакуациялау жолдары мен шығу жолдары, өрт сөндіру құралдары, өрт дабылы және өртке қарсы сумен жабдықтау өрт қауіпсіздігі нормаларының талаптарына сәйкес келтірілген.
Сондай-ақ, ҚТЖ әкімшілік ғимаратында (елорданың биік ғимараттарының бірінде) жоспардан тыс өрт-тактикалық оқу-жаттығулары өткізілді. Оқу-жаттығудың мақсаты – төтенше жағдай туындаған кезде қызметкерлер мен кезекші қызметтердің іс-әрекетке дайындығын бағалау. Өрт дабылының, хабарлау жүйелерінің жұмысқа қабілеттілігін тексеруге ерекше назар аударылды.
Оқу-жаттығу сценарийі бойынша шартты өрт ғимараттың 15-ші қабатындағы электр қалқанында дәнекерлеу жұмыстарын жүргізу кезінде пайда болды. Кезекші диспетчер ОА азаматтық қорғаныс штабының басшылығы мен мүшелеріне оқиға туралы баяндады. Дабыл бойынша қатысы бар кезекші қызметтердің 22 қызметкері тартылды: өрт сөндірушілер, диспетчерлер, слесарь-сантехниктер, электриктер, желдеткіштер, БӨА және А техниктері, лифтерлер. Өрт ғимараттың ішкі өртке қарсы сумен жабдықтау жүйесінің арқасында жедел түрде жойылды.
Оқу-жаттығулардың қорытындысы – өрт-тактикалық оқу-жаттығулардың барлық жоспарланған мақсаттары орындалды, қойылған міндеттер жүзеге асырылды, оқу жағдайлары пысықталды.