2023 жылы ҚТЖ үш кәсіпорны өндірісте нөлдік жарақаттануға қол жеткізді
ҚТЖ желілік деңгейдегі бөлімшелерінің 73%-і 2023 жылы өндірістік процестердің қауіпсіздігі мәселелеріне бейілділігін көрсетті.
Бұл кәсіпорындар бес жылдан астам уақыт бойы адам өліміне әкелетін жарақатсыз жұмыс істеді. 276 кәсіпорын жиырма жылдан астам уақыт бойы жарақат алуға жол бермей келеді. Үш кәсіпорын ұзақ уақыт – 30 жылдан астам - жазатайым оқиғаларсыз жұмыс істейді. Олардың қатарында Сексеуіл локомотив пайдалану депосы, Ақжайық белгі беру және байланыс дистанциясы және Қазалы энергиямен жабдықтау дистанциясы бар.
Сексеуіл локомотив депосы 1904 жылы құрылған. Қызметкерлердің жалпы саны 387 адамды құрайды, оның 269-сы локомотив бригадалары. Депо машинистері Сексеуіл – Шалқар – Қандыағаш - Ақтөбе, Сексеуіл - Қазалы және Сексеуіл - Қоскөл учаскелерінде жүк тасымалдайды. 2021 жылы депоға 1-класты еңбек қауіпсіздігі және еңбекті қорғау саласындағы сенім сертификаты табысталды.
"ҚТЖ" ҰК" АҚ филиалы -"Атырау магистральдық желі бөлімшесі" Ақжайық белгі беру және байланыс дистанциясында 198 адам жұмыс істейді. Дистанция ұзындығы 267 км Атырау - Сағыз учаскесінде теміржол автоматикасына, телемеханика мен байланысқа қызмет көрсетумен және жөндеумен айналысады.
"ҚТЖ" ҰК" АҚ филиалы -"Қызылорда магистральдық желі бөлімшесі" Қазалы электрмен жабдықтау дистанциясы 1977 жылы құрылды. Штатта 146 адам бар. Дистанция магистральдық теміржол желісіне іргелес тұтынушыларды және электр энергиясының басқа көздері жоқ елді мекендерді электр энергиясымен қамтамасыз етеді.
Кәсіпорындарда еңбекті қорғау және қауіпсіздік техникасы бойынша қызметкерлер үнемі оқытылады. Барлық жұмыс орындары еңбек қауіпсіздігі мен еңбекті қорғау талаптарына сәйкес келеді, қызметкерлер жеке қорғану құралдарымен және арнайы киіммен қамтамасыз етілген. Қызметкерлерді санитарлық-тұрмыстық қамтамасыз ету, демалыс және тамақтану бөлмелерін жабдықтау.мәселелеріне ерекше назар аударылады.