Теміржолшылар мен ТЖД қызметкерлері өзара іс қимыл алгоритмін талқылады
ҚТЖ мемлекеттік емес өртке қарсы қызметі мен мемлекеттік органдардың өзара іс-қимыл мәселелері Ақтөбе және Маңғыстау облыстары ТЖД Өрт сөндіру және апаттық-құтқару жұмыстары қызметтері ұйымдастырған кездесулерде талқыланды.
Іс-шараға ҚТЖ филиалдарының, магистральдық желі бөлімшелерінің, ҚТЖ мемлекеттік емес өртке қарсы қызметінің (МЕӨҚ) және пойыздар қозғалысын басқару өңірлік орталығының басшылары қатысты.
Кеңеске қатысушылар өрттерді сөндіру ерекшеліктері бойынша мәселелерді қарады, Ақтөбе қаласы, Ақтөбе және Маңғыстау облыстарының аумағында өрттерді жою кезінде өзара іс-қимыл жасау, өрт пойыздарын тарту тәртібін анықтады.
Осындай кездесу ҚТЖ Павлодар мемлекеттік емес өртке қарсы қызметі өкілдерінің қатысуымен ұйымдастырылды. Кездесуде өрт қауіпсіздігін қамтамасыз ету саласындағы мәселелер қаралып, онда өткен жылы болған өрттерді сөндіру бойынша бірлескен іс-қимылдар талданды және ТЖД мен ҚТЖ арнайы бөлімшелері арасындағы өзара іс-қимылдың тиімділігін арттыру бойынша нақты ұсыныстар әзірленді.
