Конференцияда автотежегіш жүйесі жан-жақты қаралды

Қауіпсіздік
21.05.2024, 12:06
Сұлугүл Бакесова

«Қазақстан теміржолшысы» газетінің тілшісі

Көкшетау локомотив айналым депосында локомотив бригадалары мен Бурабай курорты вагон пайдалану депосы қызметкерлерінің қатысуымен автотежегіш тақырыбына арналған конференция өтті.

Іс-шараға Көкшетау айналым депосының бастығы М.Балғоженов төрағалық етіп, жұмыстың жазғы кезеңге кіруі қарсаңында тежегіш жүйелерін дайындау, қызмет көрсету, пайдалану бойынша шаралар қабылдау, қызметтер арасындағы өзара іс-қимыл мәселелерін қарастыру, т.т. мәселелер маңызды болып табылатынына тоқталды.  

«Теміржол көлігінің сенімді жұмысының басты шарттарының бірі – жылжымалы құрам мен локомотивтің автотежегіш жабдықтарының істен шықпай, қалтқысыз қызмет етуі, машинистер тарапынан автотежегіштерді сауатты басқару», – деді Мұхтар Балғоженов локомотив бригадалары мен вагон шаруашылығы қызметкерлері тарапынан жол берілген бұзушылықтарға бірнеше мысал келтіріп, бұл пойыздар қозғалысының қауіпсіздігін бұзуға әкелетінін жеткізді.  

Ал Көкшетау станциясындағы ТҚҚ бастығының міндетін атқарушы Д. Шериязев жұмыс кезінде тежегіш жабдықтың негізгі ақаулары және стандартты емес жағдайлардан шығу туралы сөз қозғады. Жолаушылар пойызы жүріп келе жатқан кезде жіберілген бұзушылықтарға тоқталды. Сондай-ақ жүк вагондарының автотежегіш жабдықтарының тұрақты жұмысына теріс әсер ететін кезең басталатынын, сондықтан пойыздарды сапалы өңдеу мен жөнелтуге дайындауға бақылауды ұйымдастыру жағын жақсартуға қатысты бірқатар факсограммаларды пысықтағанын атап өтті.  

Машинист нұсқаушылар М.Иманбаев, Р.Керженов, Я.Трифонов және вагон шаруашылығының нұсқаушысы Н.Қоңқақов пойыз және маневр жұмысындағы кейбір кемшіліктерге тоқталды. Сонымен қатар жүк пойыздарын жүргізу кезінде локомотив бригадаларының негізгі кемшіліктерін атап өтіп, бұл пойыздардың кешігуіне, ал ол өз кезегінде қаржылық шығындарға әкелетінін мәлімдеді.  

Автотежегіш конференция барысында екі кәсіпорынның қызметкерлері арасында пойыздардың қауіпсіздік техникасына, қозғалыс қауіпсіздігіне және жылжымалы құрамға қызмет көрсетуге қатысты нормативтік-техникалық актілерді білу білімін тексерген викторина өткізіліп, онда жеңіске жеткен машинист А.М.Әмірханов, машинист көмекшісі Н.Әшімов, вагон депосының қызметкерлері Ю.Б.Желдыбкин, Ш.А.Рахимжановқа бағалы сыйлықтар табыс етілді.

 

Жаңалықтар
18.10.2025
ҚТЖ: балалармен бірге табиғат үшін!
Жаңалықтар
17.10.2025
«Таза Қазақстан: теміржолшылар 90 мыңнан астам ағаш отырғызды
Жаңалықтар
17.10.2025
Оқытушылар құрамы ҚТЖ-да тағылымдамадан өтті
Аймақтар
17.10.2025
ШҚО теміржолшылары көмір қорын тексерді
Жаңалықтар
17.10.2025
Теміржолшы «Ерен еңбегі үшін» медалімен марапатталды
Жаңалықтар
17.10.2025
ҚТЖ электрмен жабдықтау шаруашылығында телемеханика жүйесін жаңғыртуда
Аймақтар
17.10.2025
Әлеуметтік ахуал – ерекше назарда
Аймақтар
17.10.2025
Теміржолшылардың отбасына алғыс хат табысталды
Аймақтар
17.10.2025
Атырауда теміржолшылар кәсіподақтың 120 жылдығын атап өтті
Әлеумет
17.10.2025
100 теміржолшы донор болды
Жаңалықтар / Мұрағат
17.10.2025
Қазақстан теміржолшысы газеті, №86 17 қазан 2025 жыл
Жүк тасымалы
16.10.2025
ҚТЖ Шығыс Қазақстанға көмірдің үздіксіз теміржолдық жеткізілімін қамтамасыз етеді
Жаңалықтар
16.10.2025
ҚТЖ-да жапондық Riken KOGYO компаниясы өкілдерімен кездесу өтті
Аймақтар
16.10.2025
Жамбылда экологиялық акция жалғасуда
Трансформация
16.10.2025
Тепловоздарды автоматтандыру процесі үздіксіз жүруде
Аймақтар
16.10.2025
Түбекке су жаңа тепловоздар келді
Қауіпсіздік
16.10.2025
Атырауда биыл 417 рет шұғыл тежеу қолданылған
Жаңалықтар
16.10.2025
ҚТЖ, ГТЖ және қазақстандық экспорттаушылар жаңа мүмкіндіктерді талқылады
Жаңалықтар
16.10.2025
ҚТЖ Жас кадрлар резервіне іріктеу жариялайды
Жаңалықтар
16.10.2025
Қара теңіз бен Каспий арасында жаңа контейнерлік бағыт іске қосылатын болды