Мамандар білімін жетілдірді
«Қазақстан теміржолшысы» газетінің тілшісі
«ҚТЖ» ҰК» АҚ филиалы – Жамбыл материалдық-техникалық жабдықтау базасында «Еңбекті қорғау және өндірістік қауіпсіздік жылы» бағдарламасы аясында «Жұмыс жүргізу кезінде технологиялық процесті сақтау» тақырыбында семинар өткізілді.
Семинарға Магистральдық желі дирекциясы еңбек қауіпсіздігі, материалдық базалар департаментінің, Жамбыл магистральдық желі бөлімшесінің жетекшілерімен қатар ҚжЕҚ жетекші инженерлері, сондай-ақ 9 материалдық-техникалық базаның орта және кіші буын басшылары қатысты.
Семинар Жамбыл көліктегі санитарлық-эпидемиологиялық бақылау, Жамбыл облысы әкімдігі еңбек инспекциясы басқармаларының, Қабілет ғылыми-практикалық орталығы бөлім басшысының шақыруымен өткізілді.
Семинар барысында бірқатар өзекті мәселелер, атап айтқанда қызметкерлердің функционалдық міндеттерін орындау барысында жарақат алу қаупін, қызметкерлерде кәсіптік аурулардың пайда болу ықтималдығын азайту, сондай-ақ қызметкерлердің денсаулығы мен компания мүлкіне зиян келтіруі мүмкін төтенше және оқыс жағдайлардың алдын алу жайттары талқыланды.
Өз кезегінде мемлекеттік органдар ҚР Еңбек кодексінің нормалары мен талаптары бойынша және өндірістік бақылау жүргізу мәселесі бойынша түсініктемелер берді.
Бұл семинар МТС базалары қызметкерлерінің салауатты және қауіпсіз еңбек жағдайларын қамтамасыз етуде тәжірибе алмасуға, білімдерін жетілдіруге мүмкіндік берді.