Жүк көлігіне соқтығысты

Қауіпсіздік
04.03.2025, 08:36
Суретті түсірген автор
Қосұйым Мұқашев

Атырау облысы бойынша меншікті тілші

1 наурыз күні таңертеңгі сағат 10.05-те Атырау – Мақат участогі, Теңдік – рзд 496 аралығында Махамбет станциясынан Теңдік станциясына қарай бір құрама бос вагондар тіркеп келе жатқан 2ТЭ10МК №0689 жүк пойызы өткелде шебін тиеген Камаз жүк көлігіне соқтығысып, оқыс оқиға орын алды.

Атырау магистральдық желі бөлімшесінің бастығы Аралбай Қосымбаевтың айтуынша, 507-шақырымдағы реттелетін өткелде бағдаршам жанып, белгі беріп тұрғанына қарамастан жол ережесін өрескел бұзып, «тоқта» белгісіне назар аудармай өтіп кетем деген жүк көлігі үлгере алмай, жылдамдықпен келе жатқан пойызбен соқтығысқан. Нәтижесінде 11 вагон және тепловоз рельстен шығып кетіп, оның ішінде жеті вагон аударылған. 200 метр жол мен рельстер зақымданып, жол жарамсыз боп қалған. Тепловоз машинисі мен оның көмекшісі және дублер ауыр соққыдан дене жарақатын алып, шұғыл түрде облыстық ауруханаға жеткізілген. Дәрігерлер оларды бақылауда ұстап отыр, жағдайлары тұрақты, бірақ ауыр. Ал жүк көлігінің жүргізушісі аман-есен.  

Өткелде болған оқиға орнына жедел түрде Атырау қалпына келтіру пойызы, 6 автомобиль техникасы және құтқарушылар жетті. Темір жолға қарасты құрылымдық бөлімшелер мамандары да апат орнын қалпына келтіру жұмыстарына кірісті. Біраз уақыттан соң Мақат қалпына келтіру пойызы да жетіп, жұмыс қыза түсті. Темір жол бойында апат орын алуына байланысты 6 жолаушылар пойызы: №313 «Атырау-Маңғыстау», №314 «Маңғыстау-Атырау», №42 «Алматы-Атырау», №41 «Атырау-Алматы», №123 «Волгоград-Ташкент», №691 «Атырау-Ақтөбе» пойыздары жүру уақытынан кешікті. Атырау қаласы әкімдігі жолда қалған жолаушыларды Атырау станциясынан Қарабатан станциясына және кері қарай тасымалдау үшін автобустар қатынасын ұйымдастырды. Жолаушылар ыстық тамақпен қамтамасыз етілді.  

– Теңдік станциясы маңындағы өткелде орын алған апатты қалпына келтіру жұмыстары түнгі 10-да толықтай қалпына келтірілді. Жолдан шығып кеткен локомотив пен вагондар орнына қойылып, 200 метр жолды жөндеп, рельстерді қайта қою жұмыстары да талапқа сай жүргізілді. Содан соң кешіккен барлық жолаушылар пойызына жол ашылды. Айта кетерлігі, оқиға орнында 12 сағат бойына апатты қалпына келтіруге қатысты барлық құрылымдар жедел түрде әрекет етті. Атырау және Мақат қалпына келтіру пойыздары, 6 автокөлік техникасы, 200-ге тарта теміржолшылар уақытпен, ауа райының суықтығымен санаспай тер төге еңбек ете білді, – дейді А.Қосымбаев.  

 

Аймақтар
04.04.2025
Бақытын Болашақтан тапқан
Станция тынысы
04.04.2025
Жұмыс қарқыны жоғары
Жолаушылар тасымалы
04.04.2025
«Ақтөбе-Қазалы» бағыты бойынша рейс ашылды
Сұхбат
04.04.2025
Александр Ширяев: Қажетті вагон паркі мен тиімді тасымал ұсынамыз
Аймақтар
04.04.2025
Бөлімше директоры шағын бекеттерді аралап, теміржолшылармен кездесті
Жаңалықтар / Мұрағат
04.04.2025
Қазақстан теміржолшысы газеті, №25 04 сәуір 2025 жыл
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды
Жаңалықтар
01.04.2025
Асаның ақеділ азаматы еді
Жүк тасымалы
01.04.2025
Көмір тасымалы жалғасуда
ҚТЖ келбеті
01.04.2025
Техникалық білім мен тәжірибе қажет