Көктемгі байқау басталды

«ҚТЖ» ҰК» АҚ филиалдары мен еншілес ұйымдарында көктемгі комиссиялық тексеру басталды. Жаз маусымы алдындағы емтихан іспеттес бұл дәстүрлі байқау ел өңірлерінің климаттық жағдайларына байланысты екі түрлі кезеңді қамтып отыр.

Мәселен, Қазақстанның оңтүстік және батыс өңірлерінде көктемгі тексеріс осы жылдың 26 наурызынан басталып, 23 сәуірге дейін жалғасатын болса, ал еліміздің солтүстік және шығыс аймағында 13 сәуір мен 12 мамыр аралығында жүргізіледі.  

Тексеру инфрақұрылымды тасымалдаудың жазғы кезеңіне дайындау шеңберінде жүргізіледі. Тексеру барысында жылжымалы құрамның, жол мен инфрақұрылымның техникалық жай-күйі, сондай-ақ объектілердің және техникалық құралдардың жағдайы бағаланады. Бұл жұмыс пойыздар қозғалысы қауіпсіздігін арттыруға, еңбекті қорғау, техника және өрт қауіпсіздігі талаптарын сақтауға бағытталған. Жұмысшылардың еңбек жағдайларына ерекше назар аударылмақ.  

Бүгінгі таңда өңірлерде комиссиялар құрылып, кестелер бекітілген және мамандардың желі бойына шығуы, теміржол мекемелерін аралауы қамтамасыз етілді. Сондай-ақ пойыздар қозғалысы қауіпсіздігін және теміржол инфрақұрылымының тұрақты жұмысын қамтамасыз етуге бағытталған су тасқынына қарсы іс-шаралар жүргізілуде. Су басуға бейім учаскелерде су және мұз өткізу құрылыстарын тазарту, жер төсемін нығайту жүргізіліп, су деңгейі мен жолдардың жай-күйін тәулік бойы бақылау ұйымдастырылуда. Жедел бригадалар құрылып, ықтимал тәуекелдерге уақытылы даяр тұру үшін қажетті техника дайындалған.  

Мәселен, су тасқынына жедел әрекет етуге және пойыздар қозғалысы қауіпсіздігін қамтамасыз етуге арналған 45 су шайып кетуге қарсы пойыздар тұрақты дайындықта тұр. Арнайы құрамдар қажетті техникамен және инертті материалдармен жабдықталған.  

«Көктемгі комиссиялық тексеру – жазғы тасымалдардың сенімділігі мен қауіпсіздігін қамтамасыз етудегі маңызды кезең» дейді мамандар.