Тұрғындардың бейқамдығынан Арыс жол дистанциясында пойыздар он айда 11 рет мал қаққан

Аймақтар
16.11.2021, 15:28
Жансая Сыдықбай

Шымкент қаласы бойынша меншікті тілшісі

Арыс жол дистанциясы Түркістан облысының бес ауданы арқылы өтетін темір жолдың күтіміне және қозғалыс қауіпсіздігіне жауапты. Оның үстіне оңтүстік аймақта халық тығыз орналасқан және көпшілігі мал ұстайтындықтан олардан келетін қауіп-қатер аз емес... Жолшыларға пойыз машинистері мен станция кезекшілерінен немесе жол диспетчерінен жолға шығып кеткен мал туралы хабарламалар күнде келіп жатады. Салғырттықтың салдарынан тұрғындар малынан айрылып, ал мемлекет мүлкіне орасан шығын келіп жатқан оқиға да аз емес. Арыс жол дистанциясының өндірістік-техникалық бөлім бастығы Бақытжан Сарыпбеков адамдардың бейғамдығы пойыздар қозғалысына үлкен қауіп төндіріп отырғанын алға тартты. Жыл басынан бері дистанцияға қарасты телімдерде жолға малдың шығып кетуіне байланысты шұғыл тежеу беру жағдайлары жиілеп кеткен. Өткен он айда мал басу оқиғасы 11 рет орын алған. Бұл өткен жылдармен салыстырғанда әлдеқайда көп.

«Біз теміржол бойында тұратын халықпен кездескен сайын теміржол төңірегіне малдарыңызды жаятын болсаңыздар қараусыз қалдырмаңыздар, болмаса арқандап жайыңыздар деп айтып-ақ келеміз. Жалпы, ереже бойынша малды теміржолдан 300 метр әрі жаю керек. Малды теміржолдан өткелдер, жол өтпелері, арнайы мал өтуге арналған жерлер арқылы ғана өткізу керек. Кейбір тұрғындар пойыз басып кеткен өз малын танып тұрса да айыппұлдан қашып, құлағындағы енін кесіп алып кететін жайттар да кездеседі», – дейді Б.Сарыпбеков.

Бұдан бөлек, қала маңына жақын аймақтарда адамдардың пойыз астына түсіп қалу оқиғалары да орын алып жатады. Биыл екі кісі өлімі тіркелген, екеуінде де адамдардың жауапсыздығы мен бейқамдығы себеп болған.

«Теміржолдан ары-бері өтуге тек белгіленген жерлерде ғана рұқсат берілгені, теміржол бойында бөгде адамдардың жүруіне мүлде тыйым салынғандығы туралы үнемі түсіндірме жұмыстарымызда ескертіп отырамыз. Бірақ, адам психологиясы солай екен, бастарына түспей, біздің ескертпелерімізге құлақ аса бермейді», – дейді өндірістік-техникалық бөлім бастығы.
Жүк тасымалы
25.07.2024
ЕАЭО елдері теміржол көлігін дамыту мәселесін талқылады
Жүк тасымалы
25.07.2024
Атырауда жүк тасымалы межеден асып түсті
Әлеумет
25.07.2024
Қызылордалық 20 бала «Туған жерге саяхат» турымен Астанаға аттанды
Темір жол тарихы
25.07.2024
Паровоз тізгіндеген қазақ қызы
Жолаушылар тасымалы
24.07.2024
Пойызға билетсіз мінгізгені үшін жұмыстан шығарылды
Жаңалықтар
24.07.2024
Құрық теңіз порты мен Транскаспий халықаралық көлік бағытын байланыстыратын жол күрделі жөндеуден өтті
Жаңалықтар
24.07.2024
Кірме жолдарды мемлекеттік меншікке беру рәсімі аяқталды
Әлемде
23.07.2024
Германияда Еуро-2024 кезінде қалааралық пойыздармен 12 миллион жолаушы тасымалданды
Әлемде
23.07.2024
Еуропалық Одақ көлік жобаларына 7 миллиард еуро бөлмек
Жүк тасымалы
23.07.2024
ҚТЖ астық тасымалына дайындығын пысықтауда
Қауіпсіздік
23.07.2024
Атырауда техникалық-әдістемелік сабақ өтті
Жаңалықтар / Мұрағат
23.07.2024
«Қазақстан теміржолшысы» газеті, №60 23 шілде 2024 жыл
Жаңалықтар
22.07.2024
Қазақстан, Түрікменстан және Ауғанстан жаңа теміржол магистралінің құрылысын талқылады
Инфрақұрылым
22.07.2024
Күрделі жөндеу жұмыстары кезең-кезеңімен жүзеге асырылуда
Әлеумет
22.07.2024
Теміржолшылардың балалары лагерге аттанды
Спорт
22.07.2024
Қазақстан темір жолының 120 жылдығына орай Таразда спартакиада өтті
Жаңалықтар
22.07.2024
Ауғанстан, Түрікменстан және Өзбекстан делегациясы Бейнеу астық терминалының мүмкіндігімен танысты
Жолаушылар тасымалы
22.07.2024
Қаныш Сәтбаевтың 125 жылдығына арнайы безендірілген пойыз жолға шықты
Темір жол тарихы
21.07.2024
«Алатау» жүрдек пойызы қалай пайда болды?
Жаңалықтар
19.07.2024
Жаңа – Есіл локомотив депосының паркі жаңартылды