Бөрі Санкубаев «Арал ауданының құрметті азаматы» атанды
Қызылорда облысы бойынша меншікті тілші
Семей – Түрксібтің отаны деген сөз бекер айтылмаса керек. Осыдан тура он жыл бұрын Семейде құрылған «Түрксіб - Семей» қоғамдық қорының көздеген мақсаты да сол түрксібшілердің ерен еңбегін кейінгі ұрпаққа жеткізу еді. Сексеуіл локомотив пайдалану депосын ұзақ жылдар бойы басқарған Құрметті теміржолшы Бөрі Санкубаев Арал ауданы әкімі мен аудандық мәслихаттың шешімімен «Арал ауданының құрметті азаматы» атанды. Арал аудандық мәслихатының 2,3,4-шақырылымының депутаты, бүгінде теміржол саласының зейнеткері Бөрі Суханұлының экологиялық аудан халқының әлеуметтік ахуалының оңалуына бір кісідей еңбегі сіңгені анық. Оны құрметті азаматқа мәртебелі белгісін табыс еткен Сексеуіл локомотив пайдалану депосы басшысының орынбасары, облыстық мәслихат депутаты Еркебұлан Аяғанов өз сөзінде ерекше атап өтті.
– Әкеміз Сухан Әбдірұлы – жастайынан теміржол саласында еңбек еткен жан. Өзі бар ғұмырын арнаған темір жолға бізді де баулыды. Жастайымыздан темірдей тәртіпке бейімдеп тәрбиеледі. Әкеміз салған сара жолды бүгінде баласы – мен, менен кейін бауырларым мен балаларым, енді немерелерім жалғастыруда. Аудандық мәслихат депутаты ретінде туған жерімізді түлетуге тамшыдай үлес қосуды мақсат етіп, қолдан келгенше қызмет еттік. Еңбегімді бағалап, құрметке бөлеп жатқан көпшілікке алғысым шексіз, – дейді ардагер теміржолшы Бөрі Суханұлы.