Талап станциясындағы бағыттамалық бұрмалар Альстом құрылғысымен ауыстырылды
Қызылорда облысы бойынша меншікті тілші
Пойыздардың қозғалыс қауіпсіздігін қамтамасыз етуде инфрақұрылымның талапқа сай болуы шарт. Кеше қызылордалық теміржолшылар алты сағаттық толаскез алып, екі бірдей бағыттамалы бұрманы заманауи құрылғымен ауыстырды.
Бөлімшенің оңтүстігіндегі Талап станциясында өткен толаскез жұмысын Қызылорда белгі беру және байланыс дистанциясы бастығының орынбасары Аянбек Бостанбекұлы мен телім басшысы Мақсұт Өмірзақов басқарды. Станцияның басты жолындағы №6-8 бағыттамалық бұрмаларды Альстом құрылғысымен ауыстыру барысында технологиялық талаптарға сәйкес өлшемдердің дәл, нақты, сенімді түрде алынып бекітілуі басты назарда ұсталды.
Көктемнің келуімен аймақта жол шаруашылығын сауықтыру жұмыстары алдағы уақытта да жоспарға сай қарқынды жүргізілмек.