Адал еңбекке алғыс
Қызылорда облысы бойынша меншікті тілші
Биылғы төл мерекеде Сыр өңірінің теміржолшылары да лайықты құрмет пен қошеметке ие болды. Аймақ бойынша 96 теміржолшыға түрлі марапаттар табыс етіліп, ұзақ жылғы адал еңбектеріне алғыс айтылды.
«Құрметті теміржолшы» атағына ие болған екеу саланың ең жоғарғы марапатымен елорда төрінде өткен салтанатты жиында марапатталды. Сонымен қатар Қызылорда жол дистанциясының теміржолшысы Қанат Оспанов «Адал еңбегі үшін» төсбелгісіне, Қалпына келтіру пойызының машинисі Дулат Жұмасейітов «Кәсібі бойынша үздік» белгісіне, ал персонал жөніндегі менеджер Жанар Есенғараева «Үздік маман» белгісіне ие болды.
Бұдан бөлек, «ҚТЖ» ҰК» АҚ Басқарма төрағасының және Магистральдық желі дирекциясының Құрмет грамотасы мен Алғыс хатымен отыздан астам адам марапатталды. Тағы 38 теміржолшы Сала кәсіподағының 30 жылдығына орай шығарылған арнайы төсбелгіге ие болды.