Құрметті теміржолшыға мекеме ғимаратында ескерткіш тақта орнатты
«Қазақстан теміржолшысы» газетінің тілшісі
Жамбыл жол дистанциясының ұжымы мекемені ұзақ жылдар басқарған Құрметті теміржолшы Қырғызбай Ибраимовке мекеме ғимаратында ескерткіш тақта орнатты.
Жолшылар ұжымы мекемені кезінде 30 жылға жуық басқарған теміржол тарланына деген құрметін осылай көрсете отырып, оның өнегелі жолын жас буынға үлгі етті. Қырғызбай Ибраимов дистанцияны басқарған 1985-2014 жылдар аралығында темір жол саласын электрлендіру, әлеуметтік тұрмыстық нысандар мен тұрғын үй құрылыстарын жүргізу, басқа да қауіпсіздікті қамтамасыз етуге бағытталған маңызды істер жүдистанция директоры Жүнісбек Табулдиев бастаған ұжым Құрметті теміржолшының 7 тамызда 73 жасқа толатын туған күні қарсаңында осындай игілікті іс жасады.
– Біздің дистанция Тараз станциясынан Тәтті станциясына дейінгі 165 км және Тараз-Қаратау-Жаңатас аралығында бір жолдан тұратын 172 км телімінің жол күтіміне жауапты. Барлығы 5 өндірістік телім бар. Бүгінде дистанцияда 537 адам еңбек етеді. Биыл дистанция аумағында 21 км жолға күрделі, 7,9 км жолға орташа жөндеу жүргізілмек. Жұмыстан бөлек біз ұрпақтар сабақтастығын да ұмытпай, кезінде осы мекеменің дамуына үлес қосқан ардагерлерімізге құрмет көрсетуді де жөн санаймыз, – дейді дистанция директоры.
Салтанатты іс-шарада марқұмның салаға сіңірген еңбегі және адамгершілік келбеті хақында естеліктер айтылып, соңында рухына бағыштап құран оқытылды.