Әлеуметтік қолдауға әрбір жұмысшы лайық – Кәсіподақ

Аймақтар
04.10.2022, 14:41
Суретті түсірген автор
Сабырхан Сейілбекұлы

Қызылорда облысы бойынша меншікті тілші

Әр мекемедегі бірнеше жүзден асатын еңбеккерлердің кез келген әлеуметтік мәселесінің оңтайлы шешілуіне атсалысатын кәсіподақ ұйымына жүктелетін салмақ жыл сайын артып келеді.

Қазалы белгі беру және байланыс дистанциясы кәсіподақ ұйымының төрағасы Ерсайын Сұлтанов – кәсіби жұмысына қоса кәсіподақ жұмысын қатар жүргізіп отырған маман. Өндірістің де, салалық кәсіподақтың да жұмысын білетін бесаспап жанға заңдық, құқықтың кеңес сұрап келетіндер көп. Олардың бәріне өз құзыреттілігі шеңберінде көмек беруге тырысады.  

– Осы жылы түрлі жағдаймен көмек сұраған жұмысшылар мен зейнеткерлерге 1 550 000 теңге көлемінде қаражат берілді. Жұмыс жасап жүрген мүгедек жұмысшыларға 400 000 теңге қайырымдылық көмек көрсетілді. Жақын туыстары қайтыс болғандарға 420 000 теңге берілді. Басқа да жұмысшылардың әлеуметтік-тұрмыстық жағдайларын жақсартуға, жуынатын бөлмелерге, дәретханаларға сантехникалық құрылғылар сатып алуға, мәдени-көпшілік іс-шараларға кәсіподақ бюджетінен 400 000 теңге қаржы бөлінді. Дүниежүзілік еңбек қорғау күніне орай «Үздік ұжым» атты байқау өткізіліп, бағалы сыйлықтарға 170 000 теңге қаржы жұмсадық. Сонымен қатар республикалық «Мектепке жол» қайырымдылық акциясына кәсіподақ бюджетінен бірінші сыныпқа баратын 46 бүлдіршінге 601 000 теңге қаржыға сөмке және мектепке қажетті оқу құралдарын сатып алып табыс еттік. Міне, осындай шаралардың бәрі кәсіподақ ұйымы тарапынан теміржолшылар мен олардың отбасы мүшелерін қолдауға бағытталған. Салалық кәсіпте өндірістік болсын, әлеуметтік болсын, барлық жұмыс белгіленген тәртіппен шешіледі. Одан тысқары шаруалар жергілікті атқарушы органдар тарапынан шешілуі тиіс. Дегенмен теміржол саласында жұмыс жасаған кез келген адам алдымен өзі жұмыс жасаған мекеменің есігін сағалайтыны белгілі. Ондай мақсатта келген әріптестеріне жағдайдың түсіндіру, жол сілтеу, қажет болса көмек қолын созу – ең алдымен кәсіподақтың міндеті, әлеуметтік қолдауға әрбір жұмысшы лайық – дейді Ерсайын Сұлтанов.  

Сонымен қатар барлық әлеуметтік мәселелер санатына қарай Ұжымдық шартта көрсетілген деңгейде шешілетінін ескерген кәсіподақ қызметкерлері өз жұмысында оны ең басты құжат ретінде басшылыққа алады.  

Кәсіподақ жұмысымен қоса кәсіби жұмысының нағыз маманы атанған Ерсайын Сексеуіл-Қоскөл жаңа телімін іске қосуға көп еңбек сіңірді. Жаңа жол құрылысына 4 жыл бойы ат салысып, 13 станцияны пайдалануға қосуға тікелей қатысты.  

– 2016 жылы дистанцияның кәсіподақ комитетінің төрағасы болып сайландым. Сол уақыттан бері марқұм Қаржаубай Қартабаев ағамыздың жұмысын жалғастырып келе жатырмын. Ол кісі өте сабырлы, үлкенге – құрмет кішіге ізет көрсететін, мекемедегі басшылардан бастап жұмысшыға дейін құрметтейтін азамат еді. Мен сол кісінің салып берген сара жолымен келе жатырмын. Сондай беделді жанның ісін лайықты жалғастыра алам ба, жоқ па деп басында аздап жүрексінгенім де рас, – дейді кәсіподақ жетекшісі.  

Биылғы төл мерекеге орай Магистральдық желі дирекциясы басшысының қолынан «Адал еңбегі үшін» төсбелгімен марапатталған Ерсайын Ережеұлы осындай жан.  

 

Жүк тасымалы
26.11.2022
Биыл Ақтау және Құрық теңіз порты арқылы 1,5 млн тонна жүк тасымалданды
Жаңалықтар
25.11.2022
Теміржолшы Құттыбек Шархатбаевқа әріптестері ескерткіш тақта орнатты
Темір жол тарихы
25.11.2022
Оқушылар теміржолшылар мұражайындағы жәдігерлермен танысты
Қауіпсіздік
25.11.2022
Келер жылы локомотивтерге бейнетіркегіш құрылғысы орнатылады
Жүк тасымалы
25.11.2022
ТХКБ – жүк тасымалдаудың тиімді дәлізі
Инфрақұрылым
25.11.2022
Биыл 943 км жол жөндеуден өтті
Әлеумет
25.11.2022
Кадр саясатына жаңаша көзқарас
Жаңалықтар
25.11.2022
Алматыда ҚТЖ қолдауымен 5G байланыс жүйелерін дамыту бойынша құзыреттілік орталығы ашылды
Мұрағат
25.11.2022
«Қазақстан теміржолшысы» газеті, №92 25 қараша 2022 жыл
Жаңалықтар
24.11.2022
7 мыңнан астам жүк вагоны жөндеуден өтті
Аймақтар
24.11.2022
Ерен еңбек еленді
Әлемде
24.11.2022
Әзербайжан ел бойынша ең үлкен теміржол көпірін салып жатыр
Жүк тасымалы
24.11.2022
Алматы бөлімшесі бойынша құрылыс жүктері мен кендерді тиеу артты
Әлемде
24.11.2022
Жоғарғы орындағы жолаушыларға төменгі орында тамақтануға ресми рұқсат берілді
ҚТЖ келбеті
23.11.2022
Баба ізін басқан шөбере
Әлемде
23.11.2022
Моңғолия 2030 жылға қарай жүк тасымалын 41 млн тоннаға жеткізбек
Жаңалықтар
23.11.2022
«Тальго» пойызына отырған ресейлік блогер сапары жайлы шолу жасады
Жолаушылар тасымалы
23.11.2022
"Бригадир конверті" қызметін 150 мыңнан астам адам пайдаланған
Темір жол тарихы
23.11.2022
95 жыл бұрын Луговой станциясында Түркістан-Сібір магистралінің алғашқы рельсі төселді
ҚТЖ келбеті
22.11.2022
Дөңес кезекшісі