Теміржол қызметін пайдаланушылар қатары артып келеді
Қызылорда облысы бойынша меншікті тілші
Шиелі станциясында теміржол қызметін пайдаланушылар қатары артып келеді. Биылғы тоғыз айда өндірістік көрсеткіштер 101-262 пайыз аралығында жоспардан асыра орындалған.
Әрине, Шиелі станциясының күретамыр магистраль бойында орналасуы мен шаруашылығы дамыған өндірісті ауданда теміржол тасымалын пайдаланушылар қатарын арттыруға сеп болып отырғаны анық.
– Жыл басынан бері басшылық бекіткен жұмыс жоспарын орындау үшін бар мүмкіндігімізді жұмсап келеміз. Тосын жағдайларға жол берілген жоқ. Пандемиялық шектеулер саябырсығалы өндірістік жұмыстар артып, тұтынушылар сұранысын қанағаттандыру үшін басшы да, қосшы да жұмыла еңбектеніп жатқан жайымыз бар, – деді станция бастығының орынбасары Нұрғали Әбжаппаров.
Тоғыз айдағы өндірістік жұмыс көрсеткішінің ең жоғарғы шегі – 1025 вагонға жоспарланған вагон айналымы 2686 вагонға жетіп, 262 пайызға орындалып отыр.