Наурыз мейрамын бір шаңырақ астында қарсы алды

Аймақтар
23.03.2023, 13:10
Суретті түсірген автор
Сабырхан Сейілбекұлы

Қызылорда облысы бойынша меншікті тілші

Күн мен түн теңелетін ұлыстың ұлы күні – Наурыз мерекесін қызылордалық теміржолшылар қос бөлімшені біріктіріп бірге атап өтті. Қызылорда жол бөлімі мен Магистральдық желі бөлімшелерінің басшылығы мен кәсіподақ ұйымдарының ұйымдастыруымен ғимарат ауласына он алты қанат киіз үй тігіліп наурыз көжеден теміржолшыларға дәм татқызып, ардагерлердің батасын алды.  

Қызылорда қосалқы бөлімінің басшысы Батырхан Базарбаев, Магистральдық желі бөлімшесінің бастығы Ибраким Басықараев, «Қазкөліккәсіп» ҚБ филиалының төрағасы Бауыржан Ахметов, ардагерлер кеңесінің төрағасы Сисенбі Шермаханов, қосалы бөлімінің кәсіподақ ұйымының төрағасы Мұхтар Көпірбаев, магистральдық желі бөлімшесі кәсіподақ ұйымының төрайымы Ажар Ермановалар наурыз дастарханында әріптестерімен бірге сала ардагерлерінің бата-тілектерін алып, әріптестерінің алғысына бөленді. Жалпы Наурыз дастарханында ең игі тілектерін бір-біріне арнаған теміржолшылар бұл жылды қозғалыс қауіпсіздігінің қатаң сақталып, тосын жағдайсыз өткізу үшін ынтымақтасып жұмыс жасауға шақырды.

– Наурыз мерекесі секілді атаулы күндерді атап өту шараларын өткізуге елдегі төтенше жағдайларға байланысты шектеу қойылғаны бәрімізге белгілі. Биылғы мерекені екі бөлімше теміржолшылары бірігіп, бір шаңырақ астына жиылып атап өтіп жатырмыз. Бөлімшелер басшылығы мен кәсіподақ ұйымының ұйымдастыруымен өткізілген шараға ардагерлерді шақырып, олардың батасын алдық. Зейнеткерлер әріптестеріне ағалық кеңестерін айтып, аймақ теміржолының абыройын асқақтата беру үшін баталарын берді. Бөлімше жастары ұлттық ойындар өткізіп, кәсіподақ ұйымы тарапынан дайындалған сыйлықтарға ие болды, – деді Қызылорда қосалқы бөлімінің кәсіподақ ұйымы төрағасы Мұхтар Өмірзақұлы.

Наурыз мерекесін атап өту кезінде әріптестерін өз өнерімен тәнті етіп, мерекені айшықтай түскен теміржолшылар аз болған жоқ. Олар командаға бөлініп арқанды да тартты, қол күшін де сынға салды, кір тасын да көтерді. Кір тасын 73 мәрте көтерген Еркебұлан Сүлейменов, 92 рет басынан асырған Нұрлан Есеналиев, кір тасын 93 рет еркіне бағындырған Әмір Құлмырзаевтар өз ара жүлдені бөлісіп кәсіподақ ұйымдары тарапынан әзірленген сыйлыққа ие болды. Қызылорда қосалқы бөлімнің бас инженері Күлхан Белкібаев, Қызылорда магистральдық желі бөлімшесі бастығының орынбасары Ғалымжан Жұмағұлов пен бас инженер Берік Бекжановтар әріптестеріне қолдау білдірді. Кей сәттерде командалар сайысының көрігін қыздыра түсіп әріптестер сайысына қатысып, демеу болды.

Арқан тарту мен кір тасын көтеруден жарысқа түскен теміржолшылар ендігі кезекті білек күшін сынға салып қол күрестіру сайысымен жалғастырды. Сынға түскендер арасынан М.Жақанов, Н. Есеналиев пен Е. Сүлейменовтер қарсыластарынан айласын асыра білді. Білек күшімен талай әріптесін тұқырта жыққан жеңімпаздарға да кәсіподақ атынан әзірленген бағалы сыйлықтар сыйға берілді.

Наурыз мерекесінде командалық бірлік пен ауызбіршілікті ту еткен жарыстарда сынға түскен теміржолшылардың барлығына бөлімше басшылығы мен кәсіподақ ұйымдары атынан алғыс айтылды.

 

Жаңалықтар / Мұрағат
24.05.2024
«Қазақстан теміржолшысы» газеті, №44 24 мамыр 2024 жыл
Жолаушылар тасымалы
23.05.2024
Кондиционері бар жайлы вагондар. Ұлттық тасымалдаушы вагон паркін қалай жаңартып жатқанын айтты
Жаңалықтар
23.05.2024
ҚТЖ және PSA Қазақстанның көлік-транзиттік әлеуетін дамыту бойынша өзара іс-қимылды күшейтеді
Жаңалықтар
23.05.2024
Президент Сингапур елін Транскаспий дәлізін пайдалануға шақырды
Спорт
23.05.2024
Семейде теміржолшылар арасында волейболдан турнир өтті
Аймақтар
23.05.2024
Локомотивтер көктемгі байқаудан өтіп жатыр
Аймақтар
23.05.2024
Разъездегі ескі нысандар модульді ғимаратқа ауысып жатыр
Спорт
23.05.2024
Сұрмерген cтанция бастығы
Жаңалықтар
22.05.2024
Қазақстанның логистикалық мүмкіндіктері Қытайда өткен көрмеде таныстырылды
Жаңалықтар
22.05.2024
Ақтау мен Құрық порттарында ірі теңіз көліктік-логистикалық кластері құрылады
Жаңалықтар
22.05.2024
Жолаушылар пойызындағы багажды тасымалдау ережесі
Жаңалықтар
22.05.2024
«Қамқор Локомотив» ТЭМ2У тепловозын модернизациядан өткізді
Жаңалықтар
22.05.2024
Өзбекстанның 18 азаматы «Самара-Ташкент» пойызынан түсірілді
Әлемде
22.05.2024
Германия монорельсті жолаушылар кабиналарын әзірлеп жатыр
Жаңалықтар
21.05.2024
Алматыда айналма темір жолдың құрылысы қарқынды жүріп жатыр (Фото)
Темір жол тарихы
21.05.2024
Мұрағат – өткен өмір айнасы
Әлеумет
21.05.2024
Өмірінің 44 жылын теміржолға арнаған жан
Қауіпсіздік
21.05.2024
Конференцияда автотежегіш жүйесі жан-жақты қаралды
Жаңалықтар
21.05.2024
Балтық елдерінде ТХКБ бойынша жүк тасымалын арттыру мәселелері талқыланды
Қауіпсіздік
21.05.2024
Таразда еңбек қауіпсіздігіне арналған республикалық семинар өтті