Наурыз мейрамында балаларға тәттілер ұсынылды
Атырау облысы бойынша меншікті тілші
Наурыз мерекесін үлкендер ғана емес, балалар да сезіне білгені жақсы ғой. Сол мақсатта Атырау магистральдық желі бөлімшесінің мамандар бөлімі кәсіподақ ұйымымен бірлесе өрт сөндіру және қалпына келтіру пойызы ұжымына барып, Наурыз мерекесімен құттықтады.
Бұл жолы үлкендерге емес, балаларға арналып тәтті-дәмділер салынған қоржыннан барлық ұжым мүшелеріне бала санына қарай үлестірілді. Осындай шара Мақат станциясы басындағы ұжымдарда да өтті.
«Ұлттық мереке – Наурыз күні барша халық қуана жаңа жылды қарсы алады. Балалар да өзіміздің жаңа жылымыз бар екенін сезінуі тиіс. Сондықтан киіз үй тігіп, үлкен дастархан жасаумен қатар, балаларды да қуантуды ұмытпайық деген мақсатта оларға тәттілер ұсынып отырмыз», – дейді кадр бөлімінің бастығы Анар Жалғасбаева.
