Бүгінгі ұрпақ – ертеңгі ел үміті
![](https://rail-news.kz/uploads/2023/06/01/QRUeZd2EXE2izM1f46Ox0g7h0QsVqZLwr8p4UeP7.jpg)
![](https://rail-news.kz/img/noimg.png)
Ақтөбе облысы бойынша меншікті тілші
«ҚТЖ-Жүк тасымалы» Батыс аймақтық филиалының басшысы Бөріхан Беркімбаев теміржолшылар отбасында тәрбиеленіп жатқан бүлдіршіндерді халықаралық балалар күнімен құттықтады.
![](https://rail-news.kz/uploads/attachments/71d87688-31ac-4853-8305-7d8781048bde-64782304475c3.jpg)
«Жаздың алғашқы күнімен келетін мерекені балдырғандарымыз жыл сайын асыға күтеді. Біз де күтеміз. Ата-ана үшін бақыт – баланың азамат болып өсуі, мелекет пен қоғамның басты мақсаты – Отаншыл ұрпақ тәрбиелеу. Бүгінгі ұрпақ – ертеңгі ел үміті. Балаға білім беріп, тәрбиелеу, мүмкіндігін ашу бәріміздің міндетіміз. Балақайлар, аспандарың ашық, болашақтарың жарқын болсын. Жүздеріңнен күлкі, жүректеріңнен мейірім кетпесін», – деді Бөріхан Беркімбаев.
Филиал басшысы мерекеге орай Астана қаласында ұйымдастырылған сурет байқауында жүлделі орынға ие болған балаларды да құттықтап, әлемге әдемі көзбен қарайтын қиялы шексіз жас өрендерге суретті кітапшалар сыйлады.
![](https://rail-news.kz/uploads/attachments/0a980863-5e48-4ad6-b38c-d441909b32f1-647823103eb62.jpg)
![](https://rail-news.kz/uploads/attachments/a554c21e-6e5c-4860-8bdf-8074ee56d212-6478231795209.jpg)