Аягөз станциясының бағыттамалық бекеттерінде жұмыс жағдайлары жақсарды
Семей ЖТ бөлімшесінің Аягөз станциясында «ҚТЖ-Жүк тасымалы» ЖШС қызметкерлерінің еңбек жағдайларын жақсарту үшін орталықтандырылған көрсеткілер мен сигналдар басқармасы шоғырланған №1 және №2 маневрлік бекеттердің ғимараттары түпкілікті жөнделді.
Ғимараттарда шатыр жабындары, терезе пакеттері, кіреберіс есіктер ауыстырылып, жарықтандыру жүйесі жаңартылды, қасбеті кірпішпен қапталды. Посттар ішінде линолеум төселіп, қабырғаларды бояу, плиткаларды ауыстыру жұмыстары жүргізілді. Экологиялық талаптарды ескере отырып, жылыту жүйесі жаңғыртылды, енді бекеттер электр қазандықтарымен жылытылады.
Посттарда қызметкерлер ауысыммен, тәулік бойы жұмыс істейді. Олардың жұмысы жауапты және маңызды, өйткені ол пойыздар қауіпсіздігіне әсер етеді. Олар пойыздардың өтуін, бағыттамалық бұрмалардың техникалық жағдайын бақылайды, станцияның маневрлік жұмыстарына қатысады және т.б.
Осы жылдың басынан бері «ҚТЖ-Жүк тасымалы» ЖШС-нің 53 өндірістік нысаны жөнделді.