Ақтөбеде жедел штаб жұмыс істеуде
Ақтөбе облысы бойынша меншікті тілші
Ақтөбеде – төтенше жағдай. ТЖД қатты жел мен боранға байланысты республикалық, облыстық, ауданішілік жол қозғалысына шектеу қойды, рейстер кейінге шегерілді.
Темір жолда қозғалыс қалыпты, жүк және жолаушы пойыздары кестеге сай жүріп жатыр. Арнайы құрылған штаб жағдайды тәулік бойы бақылауда ұстап, күшейтілген режимде жұмыс істеуде. Ақтөбе магистральдық желі бөлімшесі директорының басшылығы штаб жұмысын сәт сайын қадағалап, ұйымдастыру жұмыстарын үйлестіп отыр.
«Қар қалың болмаса да ұйытқып соққан боранды желдің әсерінен қар темір жол бойын бітеп тастап жатыр. Пойыздар қауіпсіздігін қамтамасыз ету үшін жұмысшылар тәулік бойы кезекшілікпен жолды аршуда. Бүгін 7 ақпан күні жол шаруашылығынан 380 адам қармен күрес жұмыстарына жұмылдырылды. Қолда бар қар тазалау техникасы түгел жұмылдырылылды»,- деп хабарлады телефонмен жол бойынан жедел штабқа мәлімет беріп жатқан Ақтөбе магистральдық желі бөлімі директорының бірінші орынбасары Темірғали Көштаев.