Ақтөбелік теміржолшылар төтенше жағдайға төтеп берді (Фото)

Аймақтар
15.02.2024, 10:21
Ардақ Ерубаева

Ақтөбе облысы бойынша меншікті тілші

Өткен апта Ақтөбе облысының Хромтау ауданында табиғи сипаттағы төтенше жағдай жарияланды. Бірнеше күн үздіксіз ұйтқыған боран мен қалың қар күре жолдағы барлық байланысты үзді. Сұрапыл дауылда күшейтілген режимде жұмыс істеген жергілікті теміржолшылар ерлікке пара-пар еңбек үлгісін танытты.

Жолда қалған адамдар мен автокөліктерді қар құрсауынан шығару бойынша авариялық-құтқару жұмыстарына ТЖД, полиция мен әскерилер жұмылдырылды.Төтенше табиғи жағдайдың эпицентрі болған Хромтау, Никельтау және Сарысай станцияларында теміржолшылар тәулік бойы тілсіз жаумен арпалысты.      

 

Жолшылар үшін бұл күндер нағыз сын сағат болғаны анық. Әйтеке би станциясынан Никельтау, Жазық станцияларына дейін теміржол бойын тазартып, жалпы 307 км бойын, одан бөлек 68 км  станциялық жолдарды қардан аршып, осы аралықтағы пойыздардың қауіпсіз қозғалысын қамтамасыз ете білген аймақтеміржолшыларының еңбегі қандай марапатқа да лайық.   

– Ең бірінші міндетіміз теміржолда пойыздар қозғалысын тоқтатпау болды.  Басқа бірде-бір көлік қозғалыс жоқ,  жарық, интернет, телефон байланысы түгел болмай қалды. Әсіресе циклон қатты болған жоғарыда аталған үш станция аралығына  адам мен техника күшін  төктік. Айтуға оңай, сол бір сұрапыл дауылда ашық далада жұмыс істеу тұрмақ, сыртқа шығудың өзі қиын болды. Біздің жолшылар станциялық жолдарды тазартып, күндіз-түні тәулік бойы жұмыс істеді. Техникадан бес СДПМ және СТРУГ техникалары үздіксіз қар тазалаумен болды. Алты техника теміржолдың қарын тазартса, бір техника қар жинауға жұмылдырылды. Қосымша Қандыағаш жол дистанциясынан РОТОР техникасын алдырып, ол да іске қосылды. Қазір тазалаған жолды әп-сәтте ұйтқыған жел қайта жауып тастап жатты. Үш-төрт тәулік бойы демалыссыз жұмыс істеген аймақ теміржолшыларының ерен еңбегіне баға жетпейді, мен өз әріптестеріме ризамын және мақтан етемін. Төтенше жағдайға төтеп беріп,  барлық құрамды аман-есен өткіздік, жолаушылар пойызы да өтті, біз үшін бұл үлкен сынақ болды, – деді Никельтау жол дистанциясының бастығы Қайрат Танабергенов. 

Дистанция бастығының мәлімдеуінше, боранды күндері Никельтау жол дистанциясынан 200-ден аса адам жол бойын тазартуға жұмылдырылған.  Сонымен қатар Ақтөбе магистральдық желі бөлімшесінен екі вагонмен көмекке адамдар келіп, олар да табиғи сипаттағы төтенше жағдайда апаттың алдын алуға атсалысқан.     

Жаңалықтар
15.03.2025
Қайырымдылық күні теміржолшылар қамқорлық акцияларын ұйымдастырды
Жаңалықтар
14.03.2025
ЕАЭО темір жол көлігі саласындағы интеграциялық процестерді тереңдетуде
Жаңалықтар
14.03.2025
ҚТЖ басшылығы Атырау – Орал учаскесін тексерді
Аймақтар
14.03.2025
Мақсат Қалиақпаров Павлодар өңірінің тұрғындарымен кездесті
Аймақтар
14.03.2025
Маңғыстаулық теміржолшылар Амал мейрамын атап өтті (Фото)
Жаңалықтар
14.03.2025
Достық - Мойынтының тағы бір учаскесінде екінші жол бойынша пойыздар қозғалысы ашылды
Спорт
14.03.2025
Шахмат – тамаша ойын
Жаңалықтар
14.03.2025
Теміржолшылар «Наурызнама» жалпыұлттық онкүндігіне қосылды
Трансформация
14.03.2025
Техникалар паркі кезең-кезеңмен жаңаруда
Цифрландыру
14.03.2025
Кадрдың қадірі артуда
Инфрақұрылым
14.03.2025
Вокзалдар – үкімет назарында
Жаңалықтар / Мұрағат
14.03.2025
Қазақстан теміржолшысы газеті, №19 14 наурыз 2025 жыл
Жүк тасымалы
13.03.2025
Транскаспий дәлізі бойынша контейнерлік тасымал 2,7 есе өсті
Жаңалықтар
13.03.2025
Қазақстан мен Ресей «Солтүстік – Оңтүстік» көлік дәлізін дамыту мәселесін талқылады
Инфрақұрылым
13.03.2025
Қызылорда өңірінде 50 шақырым темір жолы күрделі жөндеуден өтеді
Жаңалықтар
13.03.2025
ҚТЖ-да өткен "Сенімді тұлға"форумына 200-ден астам адам қатысты
Аймақтар
13.03.2025
Маңғыстаулық нәзікжандылар марапатталды
Аймақтар
13.03.2025
Әйелдер қауымына құрмет көрсетілді
Аймақтар
13.03.2025
Ерекше форматтағы мереке
Аймақтар
13.03.2025
Мереке иелеріне құрмет көрсетілді