Қызылордада экологиялық айлық аясындағы жұмыстар жалғасуда
Қызылорда облысы бойынша меншікті тілші
Аймақ теміржолшылары экологиялық айлық аясында сенбіліктер өткізуді жалғастыруда. науқандық тазалық айлығы апта сайын түрлі мекемеде өтуде.
Өткен сенбі Ербол Сәулебеков басқаратын Қызылорда магистральдық желі бөлімшесінің жеке құрамынан отыз шақты теміржолшы Қызылорда-Белкөл участогының бойында сенбілік ұйымдастырды.
Бөлімшенің бас инженері Берік Бекжанов пен эколог Ұлжалғас Арқабаеваның басшылығымен өткізілген тазалық жұмыстары жол бойын алты ай қыста жиналған қоқыстан тазартып, шөп-шалам, бұталарды бұтарларды шауып ретке келтіру жұмысымен жалғасты.
– Жол бойының тазалығы теміржолшылар үшін қозғалыс қауіпсіздігінің сақталуымен пара-пар саналады. Бүгінгі сенбілік қала маңындағы участоктерде ұйымдастырылды. Нәтижесінде Қызылорда-Белкөл станциясының 2827-2828 шақырымдар аралығы қураған арам шөптерден, тұрмыстық қалдықтардан тазаланды. Тазалық жұмыстары облыс әкімінің елді мекендерді санитарлық тазарту, көгалдандыру шаралары туралы ағымдағы жылдың ақпан айындағы 56-Ө өкіміне сәйкес бөлімше басшысының тапсырмасымен апта сайын өткізілуде, – деді эколог Ұлжалғас Арқабаева.
Сенбілік қаладан тыс, телім бойында ұйымдастырылғандықтан теміржолшыларды тасымалдау арнайы техника бөлінген.
