Қызылордадан БҚО-ға жүк пойыздарына тиелген 106 арнайы техника жөнелтілді
Қызылорда облысы бойынша меншікті тілші
Қызылорда облысы әкімдігінің ұйымдастыруымен су тасқыны болған аймақтарға көмек жіберу жалғасуда. Өткен аптада облыс орталығынан Батыс Қазақстан облысына жүк пойыздарына тиелген 106 арнайы техника жөнелтілді.
Арнайы техникалар бір тәулік ішінде дайындалып, жайдақ вагондарға тиеліп жолға шықты. «Осы уақытқа дейін су апаты болған аймақтарға 296 қызылордалық құтқарушы, 135 техника жіберілді», – деп хабарлайды облыс әкімдігінің баспасөз қызметі таратқан ресми ақпарат.
Облыс басшылығының бастамасынан аймақ теміржолшылары да тыс қалмай өз үлестерін қосуда. Қызылорда ЖТ кадр бөлімінің басшысы Орынкүл Итемгенова өңірдегі салалық мекемелерден 1100 теміржолшы өткен аптада өз еріктерімен қайырымдылық акциясына атсалысып, айлық жалақыларының белгілі бір мөлшерін зардап шеккендерге көмек ретінде аударған. Сонымен қатар Қазалы вагон пайдалану және Сексеуіл локомотив пайдалану деполарының теміржолшылары қаржылай көмектен бөлек, қажетті зат, азық-түліктерді өз қаражаттарына сатып алып облыс бойынша орналасқан қайырымдылық нүктелеріне тапсырған.