«Таза Қазақстан» экологиялық акциясына зейнеткерлер де атсалысты
Қызылорда облысы бойынша меншікті тілші
Қазалы вагон пайдалану депосының ұжымы мен зейнеткерлері бірлесіп Қазақстан темір жолының 120 жылдығы мен республикалық «Таза Қазақстан» экологиялық акциясы аясында сенбілік өткізді.
Қос буын өкілдері мекеме айналасын тазартумен қатар жасыл желекке айналдыру мақсатында ағаш көшеттерін отырғызды.
– Біздің бір топ зейнеткерлеріміздің бастамасымен кешегі сенбілікті осылай өткіздік. Жігіттер жағы жұмыстың ауырын атқарса, ардагерлеріміз тал екті. Зейнеткерлеріміздің талай жыл қызмет атқарған мекемесіне жанашыр көзқарасы тәнті етпей тұрмайды. Бұл жолы да ауызбіршілік пен татулықтың нышанын паш етіп, жастарға үлгі-өнеге көрсетіп көгалдандыру жұмыстарына атсалысқандарына риза болдық. Бүгінгі егілген көшеттер депоның және ауданның экологиялық жай-күйінің жақсаруына септігін тигізері сөзсіз, – дейді депо бастығы Арғын Орымбаев.
