Модульдік үй-жайлар теміржолшылар игілігіне қызмет етуде

Аймақтар
26.04.2024, 09:17
Қосұйым Мұқашев

Атырау облысы бойынша меншікті тілші

«ҚТЖ» ҰК» АҚ-ның арнайы жобасымен жол бойында пайда болып жатқан модульдік үй-жайлар қыстың қытымыр аязы мен жаздың шіліңгір ыстығында ашық далада жүріп еңбек ететін теміржолшылар үшін үлкен игілік болып отыр.

Әсіресе жолшы, пойыз құрастырушы, байланысшы, электриктер мен электромеханиктер секілді ауа-райымен санаспай еңбек ететін мамандық иелеріне бір сәт дамылдайтын орын аса қажет. Оларға жұмыс учаскелерінде әлеуметтік-тұрмыстық жағдай жасаудың кешенді бағдарламасын бекітіп жүзеге асыра бастаған ұлттық компания жоспарына сай былтыр Атырау өңіріне жылыну пункттерін қайта жасақтау үшін бес тонналық 95 контейнер жеткізіліп, Атырау жол дистанциясына 50 дана, Құлсары жол дистанциясына 45 дана бөлінген болатын. Олар өңірдегі барлық станциялар мен разъездерге орналастырылып, теміржолшылар игілігіне берілді. Сонымен қатар Атырау жол дистанциясына модульді үйлер жеткізіліп, олар Нарын, Махамбет, Қарабатан станцияларында және шағын бекеттерде орнатылды.  

Бұл бағыттағы жұмыстар биыл да жалғасын тауып жатыр. Инвестициялық бюджетке сәйкес биыл тағы да 7 модульді үй келуге тиіс болса, соның төртеуі Атырауға жеткізілді. Атырау жол дистанциясының бас инженері Рафаэль Меңдешевтің айтуынша, олар жуырда Таскескен, Сазанқұрақ, 496 және 16-разъездерге орнатылды. 12,5х2,70 мөлшердегі кәдуілгі шағын үйдің ішінде жатын бөлме, ас дайындайтын және ішетін, жуынатын бөлме, теледидар, тоңазытқыш, жазда салқындатқыш, қыста жылыту пештері де бар.  

– Бұл контейнер типтегі 8 орындық үйлер осы жуырда орнатылып, жолшылар игілігіне берілді. Күндіз-түні далада жүретін, кейде қонып қалатын теміржолшылар үшін бұл үйлердің көмегі зор болып тұр. Ішінде барлық жағдайы бар. Ұялы байланыс та ұстап тұр. Мұндай еш уақытта болған емес. Сондықтан біздің жағдайымызды жасап жатқан компания басшылығына ризашылығымызды білдіреміз, – дейді №496 разъездің жол шебері Бекболат Кенжеев.  

 

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті