Теміржолшы – абыройлы мамандық

Аймақтар
07.06.2024, 09:45
Суретті түсірген автор
Ардақ Үсейінова

"Қазақстан теміржолшысы" газетінің Жамбыл облысындағы меншікті тілшісі

Тараз көлік және коммуникация колледжінің студенттері теміржолшылар династиясының жарқын өкілі, салада жарты ғасыр тер төккен «Құрмет» орденді теміржолшы Базарқұл Түйебаевпен кездесу өткізді.

Болашақ теміржолшылардың таңдаған мамандықтарына деген қызығушылығын арттырып, әлеуметтік серіктестермен өзара іс-қимыл тәжірибе алмасуын көздеген іс-шараны колледждің арнайы пән оқытушысы К.Рүстембеков ұйымдастырды.  

Луговой станциясында теміржолшылар отбасында өскен Базарқұл Құдысұлы студенттермен әңгімелесіп, өмір жолынан естеліктер айтып, кәсібінің қызығы мен қиындығы жайлы сыр шертті.  

– Әкем Құдыс 50 жылын теміржол саласына арнаған адам. Басында әкемнің қасында көмекші болып жүріп, көп нәрсе үйрендім. 1974 жылы Луговой станциясына пойыз құрастырушысы болып жұмысқа орналастым. Әкемнен кейінгі ұстазым Әуесхан Қырықбаев аға болды. Ол кісімен Жамбыл теміржол бөлімшесінде ұзақ жылдар бірге жұмыс істедік, – дейді Базарқұл Құдысұлы.  

Алматы теміржол институтын сырттай оқып бітіріп, өндірістен қол үзбей жоғары білім алған жас маман он шақты жыл Луговой станциясында станция кезекшісі болып еңбек етеді. 1985 жылы Қаратау станциясы бастығының орынбасары қызметіне тағайындалып, көп жыл абыроймен жемісті қызмет атқарады.  

– Бүгінгідей технология дамыған, өндіріс түгел автоматтандырылған кез емес, қиындық көп болды. 1997-2004 жылдар аралығында Жамбыл бөлімшесінде қауіпсіздік ревизоры қызметін атқардым. «ҚТЖ» ҰК» АҚ Тараз көлік оқу орталығы филиалы – Теміржол көліктегі персоналды бағалау және дамыту орталығында оқу шебері болып жұмыс істеп, ұзақ жылғы іс-тәжірибеммен бөлісіп, өздеріңдей шәкірт тәрбиеледім. Зейнетке шыққанша қандай қызметте болсын кәсібіме адал болуға тырыстым. Өйткені теміржолшы – абыройлы мамандық. Әулетіміз түгелдей теміржолшы деуге болады. Ұлдарым Асхат пен Ардақ осы теміржол коледжінің түлектері. Қазір теміржолда еңбек етіп жүр, ертең сендер де осы салаға бір кірпіш болып қаланасыңдар, – деді жастарға ардагер.  

Теміржолшы әулетінің төртінші буыны Ерасыл да атасының жолын жалғапты. Бүгінде колледждің 1-курсында локомотив машинисі мамандығы бойынша білім алуда.  

 

Аймақтар
14.03.2025
Маңғыстаулық теміржолшылар Амал мейрамын атап өтті (Фото)
Жаңалықтар
14.03.2025
Достық - Мойынтының тағы бір учаскесінде екінші жол бойынша пойыздар қозғалысы ашылды
Спорт
14.03.2025
Шахмат – тамаша ойын
Жаңалықтар
14.03.2025
Теміржолшылар «Наурызнама» жалпыұлттық онкүндігіне қосылды
Трансформация
14.03.2025
Техникалар паркі кезең-кезеңмен жаңаруда
Цифрландыру
14.03.2025
Кадрдың қадірі артуда
Инфрақұрылым
14.03.2025
Вокзалдар – үкімет назарында
Жаңалықтар / Мұрағат
14.03.2025
Қазақстан теміржолшысы газеті, №19 14 наурыз 2025 жыл
Жүк тасымалы
13.03.2025
Транскаспий дәлізі бойынша контейнерлік тасымал 2,7 есе өсті
Жаңалықтар
13.03.2025
Қазақстан мен Ресей «Солтүстік – Оңтүстік» көлік дәлізін дамыту мәселесін талқылады
Инфрақұрылым
13.03.2025
Қызылорда өңірінде 50 шақырым темір жолы күрделі жөндеуден өтеді
Жаңалықтар
13.03.2025
ҚТЖ-да өткен "Сенімді тұлға"форумына 200-ден астам адам қатысты
Аймақтар
13.03.2025
Маңғыстаулық нәзікжандылар марапатталды
Аймақтар
13.03.2025
Әйелдер қауымына құрмет көрсетілді
Аймақтар
13.03.2025
Ерекше форматтағы мереке
Аймақтар
13.03.2025
Мереке иелеріне құрмет көрсетілді
Жаңалықтар
13.03.2025
Джип көлігі Медеу – Жетісу аралығында жолаушылар пойызының жолын жауып тастады
Инфрақұрылым
12.03.2025
Достық - Бескөл бағыты бойынша қозғалыс ашылады
Аймақтар
12.03.2025
Кез келгенге бұйыратын бақ емес
Инфрақұрылым
12.03.2025
Шымкент магистральдық желі бөлімшесі биыл 160 км жолды сауықтырмақ