Ақтөбенің локомотив паркі жаңарып жатыр

Аймақтар
13.06.2024, 11:53
Суретті түсірген автор
Ардақ Ерубаева

Ақтөбе облысы бойынша меншікті тілші

Ақтөбе локомотив пайдалану депосында жаңа үлгідегі тепловоздар көбейді. Нәтижесінде депо өз жұмысын оңтайлы жүргізіп, магистральдық және маневрлік қозғалыс түрлері бойынша жүктелген міндетті абыроймен атқару сапасын арттыра түсті. Әрине, жүк тасымалы көлемінің ұлғаюына да жағымды әсер етіп отыр.  

Ақтөбе локомотив пайдалану депосының директоры Нұрлан Көшербаевтың айтуынша, бүгінде паркте 86 локомотив бар. Оның ішінде 38 локомотив 2Т10МК сериялы. Т33А сериялы 19 локомотив, 2Т25КМ сериялы 3 локомотив,  маневрлік ТМ2 сериялы 11 локомотив бар. Соның ішінде Т33А, 2Т25КМ, Т33АС сериялы модернизацияланған тепловоздар соңғы жылдары келген. Биыл зауыттан шыққан 252Т10КМ локомотивтері де паркті толтырды.  

“Біз негізінен жүк тасымалдау жұмыстарын ұйымдастырамыз. “А” нүстесінен “Б” нүктесіне дейін қауіпсіздікті сақтап жеткізуді міндетімізге аламыз. 2024 жылдың алғашқы тоқсанында жүк тасымалының көлемі 1 382 689 тонна км бруттоны құрады. Жүк тасымалы Жем-Ақтөбе, Ақтөбе-Илецк бағытында ұйымдыстырылады. Ал жолаушы тасымалы Жем-Илецк және Әйтеке би-Ақтөбе, Ақтөбе-Орал бағыттарына “Тұлпар-Тальго” пойызы да бар”, – деп мәлімет берді депо директоры.  

Депоға келген жаңа тепловоздарды меңгеру үшін машинистер мен машинист көмекшілері Астанаға барып арнайы курста білім алады. Одан бөлек техникалық сабақтар да апта сайын тұрақты өтеді.  

Қазіргі уақытта Ақтөбе локомотив пайдалану депосында 668 адам жұмыс істейді. Оның ішінде 304 машинист, 259 машинист көмекшісі бар. Ғасырдан аса тарихы бар Ақтөбе депосы үшін машинист мәртебесі – кәсіп. Қазақ теміржолының тарихындағы алғашқы машинистер осы деподан шыққан.  

Тәжірибелі машинистер әлі де аз емес. Депода  “Тұлпар-Тальго” пойызын жүргізетін 1-класты 14 машинист болса, 2-класты жолаушы пойызын жүргізетін 142 машинист бар. Ал жүк пойызын жүргізетін 132 машинист жұмыс істейді. Сонымен қатар машинист болуға дайын 97 машинист көмекшісі бар.  

“2008 жылдан бері осы депода еңбек етемін. 12 сағат жұмыс істеп, 16 сағат демаламыз. Илецк, Жем, Қандыағашқа қарай жүк пойызымен жүреміз. Илецке 10 сағатта барсақ, 5 сағат демалысқа беріледі. Арнайы демалыс үйлері бар. Тепловоздар жаңа. Іші қыста жылы, жазда кондиционері бар. Машинистерге жағдай жасалған деп ойлаймын ”, – дейді біз сөзге тартқан машинист Мұрат Есмұрзаев.  

Биылдан бастап енгізілген тәртіп бойынша депо машинистері 55 жастан пенсияға шығады. Ақтөбедегі депода бұл жас бойынша 2-3 адамның құжаты дайындалып жатыр екен. Жалпы, еңбек қорғау және қауіпсіздік саласына талап жоғары.  Жұмысшы-қызметкерлер қысқы және жазғы киіммен уақытылы қамтылады.  

Темір жолда болып жатқан әрбір жазатайым оқиғалар жоспарлау мәжілістерінде уақытылы талқыланып, депоның барлық қызметкерлерімен жоспардан тыс нұсқаулықтар өткізіледі. Басшылар мен машинист нұсқаушылары еңбек қорғау жұмысына қатысу нормативтерін орындау мақсатында бекітілген кестеге сай қауіпсіздікті бақылау шараларын өткізеді.  

Биыл депода 10 сәуірден 31 мамыр аралығында парктегі тепловоздар техбайқаудан өтіп, жазғы тасымалға сақадай сай келген.    

Жүк тасымалы
25.07.2024
ЕАЭО елдері теміржол көлігін дамыту мәселесін талқылады
Жүк тасымалы
25.07.2024
Атырауда жүк тасымалы межеден асып түсті
Әлеумет
25.07.2024
Қызылордалық 20 бала «Туған жерге саяхат» турымен Астанаға аттанды
Темір жол тарихы
25.07.2024
Паровоз тізгіндеген қазақ қызы
Жолаушылар тасымалы
24.07.2024
Пойызға билетсіз мінгізгені үшін жұмыстан шығарылды
Жаңалықтар
24.07.2024
Құрық теңіз порты мен Транскаспий халықаралық көлік бағытын байланыстыратын жол күрделі жөндеуден өтті
Жаңалықтар
24.07.2024
Кірме жолдарды мемлекеттік меншікке беру рәсімі аяқталды
Әлемде
23.07.2024
Германияда Еуро-2024 кезінде қалааралық пойыздармен 12 миллион жолаушы тасымалданды
Әлемде
23.07.2024
Еуропалық Одақ көлік жобаларына 7 миллиард еуро бөлмек
Жүк тасымалы
23.07.2024
ҚТЖ астық тасымалына дайындығын пысықтауда
Қауіпсіздік
23.07.2024
Атырауда техникалық-әдістемелік сабақ өтті
Жаңалықтар / Мұрағат
23.07.2024
«Қазақстан теміржолшысы» газеті, №60 23 шілде 2024 жыл
Жаңалықтар
22.07.2024
Қазақстан, Түрікменстан және Ауғанстан жаңа теміржол магистралінің құрылысын талқылады
Инфрақұрылым
22.07.2024
Күрделі жөндеу жұмыстары кезең-кезеңімен жүзеге асырылуда
Әлеумет
22.07.2024
Теміржолшылардың балалары лагерге аттанды
Спорт
22.07.2024
Қазақстан темір жолының 120 жылдығына орай Таразда спартакиада өтті
Жаңалықтар
22.07.2024
Ауғанстан, Түрікменстан және Өзбекстан делегациясы Бейнеу астық терминалының мүмкіндігімен танысты
Жолаушылар тасымалы
22.07.2024
Қаныш Сәтбаевтың 125 жылдығына арнайы безендірілген пойыз жолға шықты
Темір жол тарихы
21.07.2024
«Алатау» жүрдек пойызы қалай пайда болды?
Жаңалықтар
19.07.2024
Жаңа – Есіл локомотив депосының паркі жаңартылды