Майталман маман құрметті демалысына шықты

Аймақтар
27.06.2024, 12:29
Суретті түсірген автор
Сабырхан Сейілбекұлы

Қызылорда облысы бойынша меншікті тілші

«ҚТЖ-ЖТ» ЖШС – «Қызылорда ЖТ бөлімшесі» филиалына қарасты  Қызылорда локомотив пайдалану депосы ұжымы аймаққа танымал теміржолшы Болат Қалмахановты зейнет жасына құрметпен шығарып салды.

Өмірдің сан түрлі соқпағынан өтсе де алдына қойған мақсатына жету үшін күресе жүріп, жеңіс тұғырын бағындырған теміржолшыны әріптестері ерекше құрметтеп, бағалайтын. Төсінде «Адал еңбегі үшін», «Құрметті теміржолшы» төсбелгілері жарқыраған Болат Ажайұлын депо басшысы Нұртай Байғазы, бас инженер Қайрат Ибадуллаев, кадр бөлімі басшысы Шарида Сембиева, кәсіподақ ұйымы жетекшісі Еркін Асанханов, басшылық құрам өкілдерінен пайдалану цехы бастығының орынбасары Жанатбек Жүнісов шын жүректен құттықтап, ыстық лебіздерін білдірді.  

– Сіз теміржол саласындағы ең ауыр да жауапкершілігі зор локомотив шаруашылығында еңбек жолыңызды 1977 жылы Қызылорда локомотив депосында локомотивті жөндеуші слесарі қызметінен бастап, локомотив бригадалары резервінің бастығына дейін әртүрлі еңбек сатыларынан өтіп, барлық лауазымды абыроймен атқардыңыз. Сізге локомотив шаруашылығының дамуына қосқан қомақты үлесіңіз бен ұзақ жылғы адал еңбегіңіз үшін алғысым шексіз! Сізге зор денсаулық, шаңырағыңызда ырыс-ынтымақ арта берсін, – деді депо басшысы Нұртай Байғазы.

Депо тарихында өзіндік сара жол салып, өшпес із қалдырған Болат Қалмаханов депода жұмыс жасаған жылдарында әділдігімен, шындықты бетке айтатын өткірлігімен ерекшеленген азамат. Бір жылдары машинист көмекшісі бола жүріп, сапар барысында ауыр жағдайға душар болып, аурухана төсегіне танылған кезде де мойымай, тағдыр салған жүкті нық көтере білді. Кейін болмысына біткен қайсарлығының арқасында деподағы жұмысын жалғастырып, өшпес еңбектің үлгісін көрсетті.  

Теміржол саласында жасаған 46 жылдық еселі еңбек жолында талай белестен көрінді. Майталман маман ретінде ізін басқан інілеріне үлгі-өнеге, тәлімгер бола білді. Ал бүгін туысындай болып кеткен әріптестері жиналып, зейнетке шығарып салып отыр. Жиын соңында депо ұжымы атынан кәсіподақ ұйымының жетекшісі Еркін Асанханов Болат Қалмахановтың иығына шапан жауып, басына бөрік кигізіп, Сарыағаш емдік-сауықтыру орталығына жолдама берді.  

Жүк тасымалы
25.07.2024
ЕАЭО елдері теміржол көлігін дамыту мәселесін талқылады
Жүк тасымалы
25.07.2024
Атырауда жүк тасымалы межеден асып түсті
Әлеумет
25.07.2024
Қызылордалық 20 бала «Туған жерге саяхат» турымен Астанаға аттанды
Темір жол тарихы
25.07.2024
Паровоз тізгіндеген қазақ қызы
Жолаушылар тасымалы
24.07.2024
Пойызға билетсіз мінгізгені үшін жұмыстан шығарылды
Жаңалықтар
24.07.2024
Құрық теңіз порты мен Транскаспий халықаралық көлік бағытын байланыстыратын жол күрделі жөндеуден өтті
Жаңалықтар
24.07.2024
Кірме жолдарды мемлекеттік меншікке беру рәсімі аяқталды
Әлемде
23.07.2024
Германияда Еуро-2024 кезінде қалааралық пойыздармен 12 миллион жолаушы тасымалданды
Әлемде
23.07.2024
Еуропалық Одақ көлік жобаларына 7 миллиард еуро бөлмек
Жүк тасымалы
23.07.2024
ҚТЖ астық тасымалына дайындығын пысықтауда
Қауіпсіздік
23.07.2024
Атырауда техникалық-әдістемелік сабақ өтті
Жаңалықтар / Мұрағат
23.07.2024
«Қазақстан теміржолшысы» газеті, №60 23 шілде 2024 жыл
Жаңалықтар
22.07.2024
Қазақстан, Түрікменстан және Ауғанстан жаңа теміржол магистралінің құрылысын талқылады
Инфрақұрылым
22.07.2024
Күрделі жөндеу жұмыстары кезең-кезеңімен жүзеге асырылуда
Әлеумет
22.07.2024
Теміржолшылардың балалары лагерге аттанды
Спорт
22.07.2024
Қазақстан темір жолының 120 жылдығына орай Таразда спартакиада өтті
Жаңалықтар
22.07.2024
Ауғанстан, Түрікменстан және Өзбекстан делегациясы Бейнеу астық терминалының мүмкіндігімен танысты
Жолаушылар тасымалы
22.07.2024
Қаныш Сәтбаевтың 125 жылдығына арнайы безендірілген пойыз жолға шықты
Темір жол тарихы
21.07.2024
«Алатау» жүрдек пойызы қалай пайда болды?
Жаңалықтар
19.07.2024
Жаңа – Есіл локомотив депосының паркі жаңартылды