Жолшыларға жайлы ғимарат берілді (Фото)

Қызылорда магистральды желі бөлімшесінің директоры Ербол Саулебеков аймақтың солтүстігіндегі Сексеуіл-Қоскөл телімінің 19-бекетінде жұмыс жасайтын Сексеуіл жол дистанциясының теміржолшыларына су жаңа, заманауи модульді-үйдің  кілтін табыстап, қуаныштарына ортақтасты.    

Сексеуіл-Қоскөл жаңа теліміндегі жолшылардың қуанышына ортақ болуға   бөлімше басшысымен бірге "Қазкөліккәсіп" ҚБ Қызылорда филиалының төрағасы Бауыржан Ахметов те барып, баспаналық модулінің пайдалануға берілу рәсімінде лента қию құрметіне ие болды.    

Бекеттегі тарихи сәттің куәсі болған теміржолшылар алдында бөлімше директоры Ербол Тәңірбекұлы Сексеуіл дистанциясының бастығы Марат Байділдаевқа модульдің кілтін табыстаса, жол дистанциясының ардагерлері Қартбай Қайыңбаев Сәулебеков пен Тағыберген Дихановтар жолшыларға құтты баспана болғай деп тілек білдіріп, батасын берді.  Дистанция басшылығы бекет басын мерекедегідей безендіріп, шатыр тігіп, құрбандық шалып дастархан жайды.    

Жалпы көлемі жүз шаршы метр аумақты алып жатқан жаңа модульдің ішінде адамға керектінің бәрі бар, жып-жинақы тап-таза, жарық екен. Қазіргі заман талабына сай адам баласына қажетті мұқтаждықтардың түгелін қанағаттандыратын жаңа модульді нысанды аралап көрген жолшылар риза болғандарын жасырмады. Ас-суын әзірлейтін, жуынып шайынатын, тынығып демалатын, тіпті күнделікті жұмыс жасайтын бөлмелері қарастырылып қана қоймай, барлық заманауи құрал-жабдық, жиһаздармен, өртке қарсы дабыл құрылғыларымен жабдықталған. Қысқасы,  бархан құмды тіліп теміржол төсеп,  жапан түзге тіршілік нәрін екен теміржолшы еңбегіне лайықты  жағдай жасалған.   

– Бөлімшеге қарасты Сексеуіл жол дистанциясының теміржолшылары үшін биылғы жылы заманауи модульді-баспананың 9 данасы берілетін болады. Бүгін соның алғашқысы телімнің 19-бекетінде жұмыс жасайтын жолшылардың игілігіне беріліп отыр.  Қазіргі таңда, модульдердің тағы да төртеуі пайдалануға дайындалуда. Қалғандары да өз ретімен биыл берілетін болады. Бұл бекетте вахталық тәсілмен жұмыс істейтін дистанция жолшылары (бір вахтада 8 жол жөндеуші) 102 квадраттық заманауи үлгідегі су жаңа модульді нысанның ендігі иелері  саналады. Компания басшылығының еңбеккерлердің әлеуметтік-тұрмыстық қажеттілігін қанағаттандыру мақсатында жасап жатқан шараларының бір көрінісі осы деуге болады. Кәдімгі баспанадан бір кемі жоқ,- деді Қызылорда магистральды желі бөлімшесінің директоры Ербол Саулебеков.

Ішінде жол шеберінің бөлмесі, 10 адамдық жатын орын,  асхана, дәретхана, жуынатын себезгі бөлмесі мен дәретханасы бар  нысан «Таза су» құрылғысымен жабдықталып, желісі тартылған. Баспана ауа желдеткішімен салқындатылып, электр қуатымен жылытылады.  

Сексеуіл жол дистанциясының жол жөндеушісі Қуаныш Мейрамбек  әріптестерімен бірге заманауи модульді баспананы аралап көріп, пікірімен бөлісті.   іп, осындай мүмкіндік жасаған басшылыққа алғыс айтты.

– Сексеуіл-Қоскөл телімі пайдалануға берілген бес алты жылдағы   жағымды жаңалықтың бірі болды.  Мен 2003 жылдан бері дистанцияда жол жөндеуші болып еңбек ететмін.  Вахталық тәсілмен осы бекетте жұмыс жасағандықтан жұмыс орнымыз екінші үйімізге айналды. Сондықтан мынадай су жаңа заманауи модульдің біздің бекетке берілгеніне бас басымыз баспаналы болғандай қуанып жатырмыз.  Бөлімше мен компания басшылығына алғысымызды білдіреміз,-деді әріптестері атынан Қуаныш Мейрамбек.

Қашан да теміржолшы мен басшылық арасында дәнекер болып жүретін сала кәсіподағының өкілі  Бауыржан Ахметов модульді үйдің кіреберісіне  қалы кілем сыйлады.