Ерлікке тең ерен еңбек иелері

Аймақтар
05.07.2024, 11:05
Суретті түсірген автор
Ардақ Үсейінова

"Қазақстан теміржолшысы" газетінің Жамбыл облысындағы меншікті тілшісі

3 шілде – вагон шаруашылығының құрылған күніне орай ВЧД-27 Жамбыл вагон пайдалану депосының Тараз қаласындағы вагондарға техникалық қызмет көрсету пунктіне бардық. Жұмыс күнін 8.15-те кезекті жоспарлаудан бастаған вагоншылар әрі қарай техникалық сабаққа кірісті.

Жалпы вагон қараушылар үшін техникалық қызмет көрсету пунктінде айына бір рет арнайы техникалық оқыту сағаты өтіп тұрады. Шілде айындағы кезекті практикалық дәріс сабағы вагоншылардың кәсіби мерекесіне тұспа-тұс келіпті.  

Техникалық сағатта вагоншылар мен слесарьларға дәріс оқылып, мамандар жолаушылар және жүк вагондарын қарау бойынша практикалық тұрғыда тәжірибе алмасты.  

– Жамбыл вагон пайдалану депосының вагондарға техникалық қызмет көрсету пункттері Сарышаған, Шу, Түркісіб, Тараз, Қаратау, Жаңатас станцияларында орналасқан. Ай сайын өткізілетін техникалық оқу кезінде телеграмма, бұйрықтармен таныстырамыз. Барлық техникалық қызмет көрсету пункттеріндегі вагоншыларға 5 нұсқаушы арқылы тиісті нұсқаулықтар беріп отырамыз. Осындай техникалық оқуларда вагон қарау кезінде ақаулар анықталғанда орындалатын нұсқаулықтарды талқылаймыз. Қозғалыс кезінде автотіркегіштердің бұзылуына байланысты, тежегіштер істен шығып тоқтайтын пойыздар бар. Соған қатысты нұсқаулықтар береміз. Мысалы, вагон келіп тұр. Оны қалай тексереді, ақау табылған жағдайда ары қарай не істеуі керек, соны түсіндіреміз. Негізі вагондағы ақау пойыз қозғалғанда байқалады, – дейді депоның аға нұсқаушысы Ербол Манапов.  

Тараздағы техникалық пунктте әкімшілік ғимараты, шағын компрессорлық станция бар. Онда инженерлер, басшылардың жұмыс кабинеттерінен басқа, вагоншылардың киім ауыстыратын, жуынатын бөлмелері бар. Пунктте әр ауысымда 35 адам жұмыс істейді, жалпы жұмысшылардың саны 150-ден асады. Депоға келген дипломды жас мамандар «ҚТЖ» ҰК» АҚ Тараз көлік оқу орталығы филиалы - Темір жол көлігі персоналын бағалау және дамыту орталығына оқуға жіберіледі екен. Бірнеше ай практика жүзінде оқу курстарынан өткен соң бас инженер барып, емтихан өткізіп қабылдап алады.  

– Білікті маман, жақсы вагоншы болу үшін слесарьдан бастап, кемі 3 жыл жұмыс істеуі керек. Қажетті практикалық дағдының бәрін вагонның қасында жүріп үйренеді. Әр вагонның қолданыстағы уақыты, физикалық жағдайына қарай, «мінезі» болады. Жұмысқа келген адам кемі жарты жыл оқып үйреніп, жұмыс барысында тәжірибе жинаған соң соны жазбай тани бастайды. Вагонның рельстен бір миллиметр ауытқуы үлкен қауіп тудырады. Ал вагоншылар қысы-жазы ашық далада аяз бен боран, аптап ыстыққа қарамай, қозғалыс қауіпсіздігін қамтамасыз етуі тиіс, – деп түсіндірді аға нұсқаушы.  

Нұрахмет Бекжан бүгін күндізгі ауысымға түсіпті. Таңертең жоспарлауға дейін медициналық тексерістен өтіп үлгеріп, тиісті нұсқау алған вагон қараушыны жұмыс үстінде кездестірдік. Жаңа ғана келіп тоқтаған жүк пойызы вагондарын тексеруден өткізген ол нұсқау бойынша құжаттарды толтырып жатты.  

Нұрахмет Бекжанның айтуынша, вагон дөңгелегін балғамен ұрып тексергенде оның дыбысынан ақау бар-жоғы білінеді екен. «Бір вагонды қарап шығу үшін вагоншы 24 рет еңкейеді. Осының бәріне 2 минут уақыт беріледі. Ал кейбір пойызда 60 вагон бар, күніне 50 пойыз өтеді. Осы бір тәулікте вагон қараушы барлық вагонды қарап, анализ жасауы керек. Жазба жасап, тіркеп отыруы қажет», – дейді 7 жылдық тәжірибесі бар жас маман.  

Вагоншылардың бір вагон ағытқаны – жетістік, себебі бір қауіптің алдын алды деген сөз. Жүк пойызының вагондары бөлек, ал жолаушылар вагонының механизмі өз алдына күрделі. Екі пойыздың вагондарын тексеру кезінде ескеретін талаптар бар. Дерекке сүйенсек, Тараз техникалық қызмет көрсету пунктінен 80, ал бір ауысымда 40 жүк пойызы өтеді. Жолаушылар пойызының тәуліктік көрсеткіші – 30 болса, ауысымда 15 пойызды құрайды. Жалпы облыс бойынша вагоншылар тәулігіне 119 жолаушылар пойызын қарап-тексереді.  

Әлеумет
14.07.2025
Медициналық пойыз БҚО-да 7 мыңнан астам тұрғынға көмек көрсетті
Аймақтар
14.07.2025
Ақтауда Қытай компанияларының қатысуымен ірі логистикалық хаб құрылады
Аймақтар
14.07.2025
Қазақстандық жолсеріктер Deutsche Bahn тәжірибесін үйренуде
Аймақтар
14.07.2025
Елдің ықылысы – еңбектің өтеуі
Әлеумет
14.07.2025
Вокзалдағы кәсіпкерлердің құқықтары қорғалады
Жаңалықтар
14.07.2025
Теміржолшылар "Taza Qazaqstan"республикалық бастамасы аясында эко-сенбілік өткізді
Жүк тасымалы
14.07.2025
Қазақ транзитінің жаңа дәуірі басталды – сарапшы
Жаңалықтар
14.07.2025
ОА мен Оңтүстік Азияны жалғайтын теміржолға қатысты құжатқа қол қойылды
Аймақтар
14.07.2025
Берік Уәли Курчатовтағы теміржол кәсіпорнының жұмысымен танысты
Жолаушылар тасымалы
12.07.2025
ҚТЖ жазғы маусымда өзінің барлық бағдарлары бойынша 4,2 млн-нан астам жолаушыны тасымалдауға дайын
Жаңалықтар
11.07.2025
ҚТЖ басшылығы туризмді дамыту мәселелері бойынша көшпелі кеңес өткізді
Жолаушылар тасымалы
11.07.2025
ҚТЖ Астана – Бурабай бағдары бойынша «Burabay Express» жаңа электрпойызын іске қосты
ҚТЖ келбеті
11.07.2025
Мақаттың мақтанышы
Әлеумет
11.07.2025
Астанада кәсіподақтың VI есептік сайлау конференциясы өтті
Жаңалықтар
11.07.2025
Теміржол жөндеуде заманауи техника қолданылуда
Жаңалықтар / Мұрағат
11.07.2025
Қазақстан теміржолшысы газеті, №52 11 шілде 2025 жыл
Жаңалықтар
10.07.2025
ҚТЖ: Қытайдағы негізгі серіктестермен бірқатар уағдаластықтарға қол жеткізілді
Спорт
10.07.2025
Щучинск қаласындағы республикалық спартакиадаға 250 теміржолшы қатысуда
Жаңалықтар
10.07.2025
KTZ Express ЕО елдеріне экспорттық мультимодальды тасымалды ұйымдастырды
Жаңалықтар
10.07.2025
Транскаспий дәлізі: Қазақстанның көлік және цифрлық инфрақұрылымдағы жаңа бағыты