Павлодарда теміржол бойына қоршау салынып жатыр
«Қазақстан теміржолшысы» газетінің тілшісі
Биыл Павлодар магистральдық желісі бойынша 113 шақырым жол бойына малға қарсы қоршау салу және 580 шақырымын жөндеу жоспарланған.
Қазіргі таңда Шідерті – ОП-116 және Атығай – Майқайың аралығындағы учаскенің әрқайсысында 10 км, Көктөбе – Жұмыскер аралығында – 60 км, Өлеңті– Қоржынкөл аралығында 33 км жол бойында малдан қорғайтын сыммен қоршау жұмыстары жүргізілуде.
«Жыл сайын мал-жан көп жүретін учаскелерде жаңадан қоршаулар салынып, ескілері жаңартылуда. Иесіз жайылған төрт түлік пойыздар қозғалысы үшін үлкен проблема болып отыр. Осыған орай, ай сайын ЖІІД қызметкерлерімен бірлесіп мал иелерімен, шаруашылық қожайындарымен кездесу өткіземіз, мал бағу ережелерін түсіндіріп, оны сақтауға шақырамыз. Мәселен, биылғы жылдың 6 айында 2900 жуық мал иелері ережемен танысты», – дейді Павлодар магистральдық желі бөлімшесінің маманы Дәурен Қабдуллин.