Жұмысшылардың штаттық жұмысы ерекше режимге көшірілді
Қызылорда облысы бойынша меншікті тілші
5 тамыз 2024 ж. №217-ЦЖС бұйрығы негізінде жұмысшылардың штаттық жұмыс режимінен ерекше жұмыс режиміне көшірілуі – еңбек қорғау мен қауіпсіздіктің кешенді шараларының бір парасы.
2023 жылдың 25 желтоқсандағы 1009-ЦЗ бұйрығымен бекітілген «ҚТЖ» ҰК» АҚ және оның еншілес ұйымдарының еңбек қауіпсіздігі және еңбек қорғау бойынша ерекше жұмыс режиміне ауыстыру туралы қағидасының 4-тармағына сәйкес ағымдағы жылдың 5 тамызында директор С. Рахметовтің №217-ЦЖС бұйрығы жарияланып, Қызылорда магистральдық желі бөлімшесі директорының тапсырмасы, әрі қадағалауымен аймақтағы салалас мекемелерде барлық жұмыс үдерісі ерекше жұмыс режиміне көшірілді.
– Ербол Сәулебеков басқаратын Қызылорда магистральдық желі бөлімшесі филиалына қарасты салалық мекемелерде штаттық жұмыс режимінен еңбек қауіпсіздігі және еңбекті қорғау жөніндегі ерекше жұмыс режиміне ауыстырылуына байланысты түсіндірме жұмыстары жүргізілді. Аталған режим ағымдағы жылдың 5-тамызынан бастап 5 қыркүйекке дейін жалғасатын болады, – деді кәсіподақ ұйымының төрайымы Салтанат Махмутова.
Ерекше жұмыс режимінің жариялануына байланысты салалық мекемелердің техникалық және еңбек қорғау инженерлері, өндірістік қауіпсіздік және экология секторының инженерлері теміржолшылар арасында түсіндіру, қадағалау шараларына басымдық беруде.