Теміржолшылар марапатталды
"Қазақстан теміржолшысы" газетінің Жамбыл облысындағы меншікті тілшісі
Жамбыл өңірінің 50-ге жуық теміржолшысына түрлі марапаттар табыс етілді.
Соның ішінде Шу электрмен жабдықтау дистанциясының электромеханигі Герасим Ким теміржолшылардың мерейін үстем ететін «Құрметті теміржолшы» төсбелгісімен марапатталды.
Салтанатты жиында Жамбыл жүк тасымалы және магистральдық желі бөлімшелерінің басшылары Айдын Сеиітбенбетов пен Мейрамбек Кенжебаев, кәсіподақ ұйымының Жамбыл филиалының төрағасы Жұман Сәменов, Жамбыл жол бөлімшесінің қауіпсіздігі бойынша бас ревизоры Медет Қолдасов қозғалыс қауіпсіздігін қамтамасыз етуде жауапкершілікті терең сезініп, өз міндеттерін абыроймен атқарып жүрген теміржолшыларға алғыс білдіріп, 44 сала еңбеккеріне «Қазақстан темір жолына – 120 жыл» мерейтойлық медалін табыстады.
Сондай-ақ үш теміржолшы «Самұрық Қазына» АҚ-ның Алғыс хатына ие болды.