Жаңа төраға сайланды
Атырау облысы бойынша меншікті тілші
«ҚТЖ-Жүк тасымалы» ЖШС Атырау бөлімшесіне қарасты «Аманат» партиясының бастауыш ұйымына жаңа төраға сайланды.
Осыған орай бөлшімше бастығы Аслан Базарғалиевтің төрағалығымен өткен жиынға қатысқан партияның Атырау облыстық филиалының төрағасы Абдолла Идресов аймақтағы бастауыш партия ұйымдарының ішіндегі ірісі болып табылатын теміржолшылар ұйымының жұмысын табыс тіледі. Сонымен қатар филиал төрағасы партияның проблемалық мәселелері мен страталық және имидждік бағыттағы жүргізіліп жатқан партиялық жобаларына да тоқталып өтті. Атап айтқанда «Жер аманаты», «Ауыл аманаты», «Қарызсыз қоғам», «Құқықтық көмек», «Бақытты отбасы», «Жастарға – жұмыс», «Ұлттық мұра», т.б. Ол жобалардың жұмыс жасау жолдары мен тетіктері түсіндірілді.
– Айта кетейік, бүгінгі күні теміржол бастауыш ұйымының Атырау жүк тасымалы және магистральдық желі бөлімшелері мен «ӘТЖК» ЖШС қызметкерлерінен құрылған 200 жуық мүшесі бар. Жиын барысында Атырау темір жолына қарасты бастауыш партия ұйымы төрағасы Бауыржан Картанға осы уақытқа дейін атқарған жұмысына алғыс айтылып, бастауыш партия ұйымының жетекшілігіне жаңа төраға Ерлан Тарихов ұсынылды. Партия мүшелері оның кандидатурасын бірауыздан қолдап дауыс берді.