Қызылордада "Жыл үздігі" шеруі өтті
Қызылорда облысы бойынша меншікті тілші
Жаңа жыл қарсаңында Қызылорда магистральдық желі бөлімшесінің бастауыш кәсіподақ ұйымында жыл қорытындысы бойынша "Жыл үздігі" шеруі өтті.
Шеру мақсаты – қызметкерлердің өз мамандығының үздігі болу, қызметтеріне деген сүйіспеншілігін арттыруға септігін тигізу.
Жиын барысында "ҚТЖ" ҰК" АҚ "Қызылорда магистральдық желі бөлімшесінің" директоры Е.Т.Саулебеков және "КАЗПРОФТРАНС" ҚБ Қызылорда филиалының төрағасы Б.Қ.Ахметов жаңажылдық құттықтау сөз сөйлеп, үздік қызметкерлерді марапаттады.
Қызылорда жол дистанциясының өндірістік телім бастығы Айтжанов Абзал Әмірбекұлы, Қазалы жол дистанциясының өндірістік телім бастығы Ерханов Шынберген Жақсылықұлы, Сексеуіл жол дистанциясының өндірістік телім бастығы Жубаниязов Леонард Бакуадинович және бірнеше қызметкерлер марапатқа ие болды.
"Жыл үздігі" марапат шеруі жастарға алға талпыныс беретін, қызметкерлердің біліктілігін арттыруға және жан-жақты дамуға ықпал ететін дәстүр. Аталған шара жыл сайын өз жалғасын тауып отырады.