Қазалы теміржолшылары алғысқа бөленді
Қызылорда облысы бойынша меншікті тілші
Салада көп жыл жемісті еңбек етіп, оның өркендеуіне үлес қосқан қызметкерлер құрмет пен марапатқа лайық.
Қазалы белгі беру және байланыс дистанциясы кәсіподақ ұйымының төрағасы Ерсайын Сұлтанов пен бөлімшенің спорт секторы Бақытжан Имбергенов «Қазақстан темір жолына 120 жыл» мерейтойлық төсбелгісімен марапатталды.
«Қазкөліккәсіп» ҚБ Қызылорда филиалының төрағасы Бауыржан Ахметов екі азаматқа да ұзақ жылғы адал еңбектері үшін алғыс айтып, марапаттарын табыс етті. Қазалы белгі беру және байланыс дистанциясының бастығы Ақнұр Дінахметов кәсіподақ жетекшісі Ерсайын Сұлтановтың ұжым мүшелерінің игілігі жолында еңбегін жоғары бағалайтынын жеткізді.
– Биыл Қазақстанда Кәсіподақтың бастау алғанына 120 жыл және оның біздің аймақта, осы Қызылорда қаласында, бұрынғы Перовскіде теміржолшылар арасында бастау алғанын тарихи деректер растайды. Бұл – біз үшін үлкен мерей, мәртебе. Теміржолшылар – қандай қиындықтарды да еңсере білген, бірлігі бекем халық. Қашан да осы ұстанымнан айнымай, алда болайық, – деді алғысын білдірген Ерсайын Сұлтанов.
