Кәсіподақ жетекшісі марапатталды
Қызылорда облысы бойынша меншікті тілші
Қызылорда ЖТ бөлімшесінің директоры Батырхан Базарбаев бөлімше теміржолшылары алдында «Қазкөліккәсіп» ҚБ Қызылорда филиалының төрағасы Бауыржан Ахметовті қоғамдық бірлестіктің орталық кеңесінен келген «Қазақстан теміржолына 120 жыл» мерейтойлық төсбелгісімен марапаттады.
Бауыржан Ахметов өзінің ұзақ жылдар бойы адал еңбегімен және теміржолшылардың әлеуметтік жағдайын жақсартуға қосқан қомақты үлесімен ерекшеленеді. Оның бастамалары мен белсенділігі арқасында Қызылорда өңірінде теміржолшылардың құқықтары мен мүдделері тиімді қорғалып келеді.
Батырхан Базарбаев Бауыржан Ахметовтің осы еңбегін жоғары бағалап, аймақ теміржолшылары атынан алғыс білдірді.
Кәсіподақ төрағасы өз кезегінде көрсетіліп жатқан ықылас-құрметке ризашылығын білдіріп өтіп, теміржолшылар сенімін ақтау жолында қызмет ете беретінін жеткізді.
