Ғимараттар жөндеуден өтті
Атырау облысы бойынша меншікті тілші
Атырау магистральдық желі бөлімшесі ғимараттарды жөндеу жұмыстары бойынша өндірістік бағдарламасына сәйкес былтыр 15 ғимаратқа ағымдағы жөндеу жұмыстарын жүргізді.
Вокзал шаруашылығы бөлімінің бастығы Айбек Қуанышевтың айтуынша, ол үшін «Теміржолсу-Ақтөбе» мекемесімен 262 млн 786 мың теңгеге келісімшарт жасақталып, қазіргі таңда аталмыш жұмыстар толық көлемде аяқталған. «Атап айтар болсақ, ЭЧ-4 Атырау бойынша – 6 ғимарат, ПЧ-9 Атырау – 5, ПЧ-11 Құлсары – 1, ШЧ-8 – 1, ШЧ-9 Ақжайық – 1, ШЧ-11 Құлсары – 1 ғимарат жөндеуден өтті. Ал, Атырау вокзалының сыртқы келбетін жөндеу жұмыстары қалалық әкімдіктің қаражатымен жүргізіліп жатыр. Қазіргі таңда онда вокзал алды абаттандырылып, ЛЭД-экран орнатылып, басқа да жұмыстар жүргізілу үстінде», – дейді Айбек Қуанышев.
Сонымен қатар бөлімше бойынша жол жағдайын жақсарту және инфрақұрылымды дамыту мақсатында эксплуатациялық бюджеттен бөлінген 25 951 660 мың теңге толықтай игеріліп, ол 102 пайызға орындалған. 2024 жылы жолды күтіп баптау жоспары 63 балл болса, орындалуы 50 балды құрады. 2023 жылмен салыстырғанда жолдың жағдайы 9 балға жақсартылған.