Браконьерлікке тосқауыл қойылуда
Маңғыстау облысы бойынша меншікті тілші
Сай-Өтес станциясы желілік полиция бөлімшесінің аумағында «Браконьер» жедел алдын-алу іс-шарасы өткізілуде.
Ақпан айының басында басталған айлық аясында браконьерліктің алдын алып, жолын кесуге бағытталған іс-шаралар қамтылуда.
– Бекіре тұқымдас балықтарды заңсыз тасымалдау, браконьерлік жолмен ауланған киіктердің етін тасудың алдын алу бағытында күнделікті Алматы, Ақтөбе, Атырау, Семей және шетелдік Нукус пойыздарына тексеріс жүргізіледі. Қазірге дейін заң бұзушылықтар анықталған жоқ. Бұл іс-шаралар барысында пойыз жолаушыларымен қатар жол бойында жұмыс істейтін теміржолшыларға да қарақұйрық, арқар, қарақал секілді «Қызыл кітапқа» енген аңдар мен бүркіт, дуадақ сияқты құстарды аулауға болмайтынын түсіндірудеміз.
Егерде кім де кім аңшылардың жануарлар дүниесiн пайдалану талаптарын және аң аулау қағидаларын бұзған жағдайда оларға қатысты Қазақстан Республикасы әкімшілік құқықбұзушылық туралы кодексінде немесе қылмыстық кодексінде көзделген баптармен тиісті шаралар қарастырылғанын ескертеміз, – дейді Сай-Өтес станциясындағы желілік полиция бөлімшесінің басшысы Нұрлыбек Рахметов.
