Әйелдер қауымына құрмет көрсетілді
Атырау облысы бойынша меншікті тілші
Атырау жүк тасымалы бөлімшесі кәсіподақ ұйымының қолдауымен 8 наурыз мерекесіне орай барлық станцияларда әйелдерге арналған мерекелік іс-шаралар ұйымдастырылды.
Қызметкерлерге күндіз құттықтаулар мен марапаттар ұсынылып, ал кешке ауызашар берілді. Атырау қаласында, яғни басқару аппараты қыз-келіншектеріне қаланың көрікті жерлерін аралап суретке түсуге мүмкіндік жасалып, кешке дастархан жайды. Оның барысында қазақтың салт-дәстүріне арналған викториналық сұрақтар қойылып, әйелдер туралы нақыл сөздер оқылып, қызықты әрі мазмұнды өтті. «Биылғы әйелдер мерекесі қасиетті рамазан айымен тұспа-тұс келгендіктен кәсіподақ мүшелерімен ақылдасып, осындай қайырымды әрі мазмұнды шара өткізуді ұйғардық. Анасын ардақтап, қыздарын қадірлей білген ата-баба салтын ұмытпау – біздің парызымыз», – дейді кәсіподақ ұйымының төрағасы Боранбай Қамиев.