Қазақы рух пен жігерге толы Наурыз

Аймақтар
25.03.2025, 09:41
Суретті түсірген автор
Сабырхан Сейілбекұлы

Қызылорда облысы бойынша меншікті тілші

Ұлыстың ұлы күнін бөлімше ауласындағы алаңқайда тігілген алты қанат ақ орданың маңында атап өткен Қызылорда ЖТ бөлімшесінің теміржолшылары таңатпастан бөлімше маңында алдымен тазалық сенбілігін өткізіп, ұлттық ойындардан сайысқа түсті.

Нод теміржолшылары алдымен сенбілік өткізіп тазалыққа үн қосты. Бөлімшенің бас ғимараты орналасқан Е.Әуелбеков көшесінің бойындағы ағаш бұтақтары жаяу жүргіншілердің жүріс-тұрысына кедергі келтіруі мүмкін болғандықтан мамандар тарпынан кесіліп, ретке келтірілді. Көше бойындағы ағаштар әктеліп, түбі қопсытылып, тазартылды. Кесілген ағаш бұтақтары мен қалдықтар автокөлікке тиеліп қоқыс алаңына шығарылып тасталды. Теміржолшылардың бұл сенбілігі "Наурызнама" онкүндігінің тазару күніне сәйкес тазалақ пен тәртіпке, ұлттық экологиялық науқанға арналды. Тазалық сенбілігі тек қоршаған ортаны тазартумен шектелмейді, ол теміржолшылардың ішкі жан дүниесін, болмыс бітімін де тәртіпке келтіріп ұдайы тазаруға үндейді.  

Наурызнама онкүндігі аясында Ұлттық спорт күні мен Наурыз мерекесі Қызылорда ЖТ бөлімшесінде айрықша атап өтілді. Білегімен бірді жыққаннан гөрі білімімен мыңды мойындатуға талпынатын теміржолшылар бұл күні ұлттық ойындарға ерекше көңіл бөлді.

Бөлімше ауласында тігілген ақбоз үйдің саясында өткен жарыстарда қатысушылар гір тасын көтеру, қол күресі және арқан тарту сайыстарында бақ сынады. Барлық бөлім өкілдері белсенділік танытып, әр қатысушыға сыйлықтар табыс етілді.

Қыз-келіншектер арасындағы арқан тарту бәсекесі ерекше тартысты өтті. Екі командаға бөлінген қатысушылар жеңісті оңайлықпен қолдан бермей, намысқа тырысты. Кәсіби спортшы болмаса да, олардың жігері мен жеңіске деген құлшынысы спорттық додаға көрік берді.

Қол күресінен жүлделі орындар келесі теміржолшылар арасында анықталды. алдындағы екі қарсыласынан айласын асыра алмаған Жапырақ Оспымбетова 3-орынды місе тұтса, бір ғана теміржолшыға есе жіберген Зәуреш Сүйінова 2-орынды иеленді, ал қарсыластарының түгелін қоғадай жапырып салған Әсел Қамысбаева 1-орынды иеленіп бас жүлдені қанжығалады. Арқан тартысына шыққан қыз-келіншектердің барлығына, онан бөлек бөлімше бөлімдерінің бір-бір мүшесіне де кәсіподақ ұйымы атынан бағалы сыйлықтар табыс етілді.

Жарыстың жеңімпаздары мен қатысушыларын бөлімшенің бас теміржолшысы Батырхан Базарбаев, оның орынбасарлары Бекжан Өтелиев пен Мейрамбек Шолтабаев, бас инженер Күлхан Белкібаев, «Қазкөліккәсіп» ҚБ Қызылорда филиалының төрағасы Бауыржан Ахметов, бөлімшенің кәсіподақ ұйымының төрағасы Мұхтар Көпірбаевтар құттықтап, ұлттық дәстүрді дәріптеудің маңыздылығын атап өтті.

Ұлттық спорт – рух пен жігердің көрінісі. Осындай шаралар қызметкерлер арасындағы ынтымақты арттырып, салауатты өмір салтын насихаттауға жол ашады. Ұлыстың ұлы күні қарсаңында ұйымдастырылған бұл сайыс әріптестерге мерекелік көңіл-күй сыйлап, қазақы дәстүрлердің ұмытылмас сәттерін жаңғыртты.

«Ұлыстың ұлы күні – Наурыз мерекесіне орай бөлімшеде ұйымдастырылған ұлттық спорт жарысы әріптестер арасында ынтымақ пен салауатты өмір салтын насихаттауға ықпал етті. Бұл шара тек мерекелік көңіл-күй сыйлап қана қоймай, қазақы дәстүрлерді жаңғыртып, ұлттық ойындардың маңыздылығын көрсетті. Жарыс бағдарламасында қол күресі, арқан тарту, гір тасын көтеру секілді әдетте ерлер арасында өтетін сайыстар болды. Алайда, біздің бөлімшедегі аруларымыз да бұл ұлттық ойындарға белсене қатысып, ерлермен бірге барынша күш сынасты. Олар тек қана сұлулығымен емес, сондай-ақ мықтылығымен, төзімділігімен де ерекше көзге түсті. Бұл жарыс аруларымыздың қай салада болмасын мықты әрі қажырлы екендігін тағы бір рет дәлелдеді. Аруларымыздың ұлттық ойындарға белсене қатысуы бұл қазақы рух пен жігердің көрінісі. Жарыс жеңімпаздары мен қатысушылардың барлығына сыйлықтар табысталды»,-деді кәсіподақ ұйымының төрағасы Мұхтар Өмірзақұлы.

Мерекелік шара тек спорттық бәсекелестікті ғана емес, сондай-ақ бір-біріне қолдау көрсетуді, достық пен ынтымақтастықты нығайтуды да көздеді. Қатысушылар арасындағы жарыс тек физикалық күш пен төзімділікке негізделмей, жалпы команда құндылықтарын арттырып, мерекелік көңіл-күй сыйлады.

 

Аймақтар
27.03.2025
«Jibek Joly» туристік пойызы – Таразда
Аймақтар
26.03.2025
Халықтық мерекеге ұласты
Аймақтар
26.03.2025
Түркістанға төрт жүз турист келді
Спорт
26.03.2025
Теміржолшылар спорттық сайыстарға белсене қатысуда
Аймақтар
26.03.2025
Түбек жұрты Наурыз мейрамын түгел тойлады
Жаңалықтар
26.03.2025
Теміржолшылар ауылындағы той
Аймақтар
26.03.2025
Теміржолшысы көп қала
Аймақтар
26.03.2025
Ұлттық спорт ойындарына жүзден астам теміржолшы қатысты
Аймақтар
26.03.2025
Тораптық жарыс өтті
ҚТЖ келбеті
26.03.2025
Теміржолға адал қызмет
Жаңалықтар
26.03.2025
Теміржолшылар “Азайт, қайта пайдалан, қайта өңде” экологиялық акциясын өткізді
Әлемде
26.03.2025
Alstom Үндістан темір жолдарына 500-ші электровозды жеткізді
Аймақтар
25.03.2025
Бұл мереке жылдағыдан өзгерек
Аймақтар
25.03.2025
Қазақы рух пен жігерге толы Наурыз
Аймақтар
25.03.2025
Қызылордалық теміржолшылар Наурыз мейрамын жоғары деңгейде атап өтті
Аймақтар
24.03.2025
Ұлттық киім киюден рекорд орнатуға теміржолшылар да атсалысты
Жаңалықтар
23.03.2025
ҚТЖ-да Наурызнаманың онкүндігін экологиялық акциялармен аяқталды
Аймақтар
22.03.2025
Қош келдің, Әз-Наурыз!
Жолаушылар тасымалы
22.03.2025
Мерекелік пойыздар мен ұлттық дәмдер жолаушыларға көтеріңкі көңіл-күй сыйлады
Жаңалықтар
21.03.2025
Теміржолшылар Наурыз мейрамын атап өтті