Жаңа тепловоздар қызмет көрсетуде

Аймақтар
03.04.2025, 12:41
Ардақ Үсейінова

"Қазақстан теміржолшысы" газетінің Жамбыл облысындағы меншікті тілшісі

Биыл Жамбыл локомотив пайдалану депосының паркі елімізде құрастырылған «Evolution» сериялы ТЭЗЗ АС-0202, 0203, 0204, 0205, 0206 жаңа тепловоздармен толыққан болатын. Қазіргі уақытта инновациялық локомотивтер «Тараз-Қаратау-Жаңатас» бағытына қатынауда.

Жамбыл локомотив пайдалану депосы бастығының пайдалану жөніндегі орынбасары Мәди Қонысбаевтың айтуынша 180 шақырымды құрайтын телім негізінен өңірдегі фосфорит кен орындарын иегеріп жатқан алпауыт компанияларға қызмет көрсетеді. Яғни теміржолдың тасымал қызметін пайдаланатын аймақтағы ірі жүк жөнелтушілер солар. Сондықтан Қаратау – Жаңатас тармағына су жаңа локомотивтердің қатынауы қажеттіліктен туындап отыр.  

Мамандардың айтуынша, жаңа тепловоздардың бұрынғы үлгілерден ерекшеліктері көп. Ішінде машинистер үшін барлық қолайлы жағдай жасалған. Машинаны басқару процесін жақсартуға мүмкіндік беретін заманауи цифрлық жүйе орнатылған.

– Жаңа жүк локомотивтерінің бір артықшылығы – тепловоздың басқару тақтасы машинаның қозғалтқышын автоматты түрде іске қосатын борттық компьютермен жабдықталуында дер едім.  Ал әзірлік, кернеу, майдың температурасы секілді көрсеткіштер монитордан көрініп тұрады. Тепловоздың қай бағытта кетіп бара жатқанын немесе тоқтап тұрғанын анықтауға мүмкіндік беретін навигациялық бақылау жүйесі бар. Локомотивтерге отынды тиімді пайдалануды қамтамасыз ететін жаңа «Оптимайзер» және «Борт» қауіпсіздік жүйелері орнатылған. Бұл бізге қауіпсіз тасымалдауды қамтамасыз етуде берілген зор мүмкіндік, – дейді депо бастығының орынбасары.    

Машинистерге автоматтандырылған жүйелермен жабдықталған жаңа тепловоздарды басқару үшін дайындық қажет екені белгілі. Осы бағытта депо басшылығы қызметкерлерді қайта оқытуды қолға алып, біліктілік арттыру курстарына жіберіп, даярлық жүргізген. Мамандар жылжымалы құрам паркін жаңарту арқылы жүк тасымалы артып, пойыздар қозғалысының жылдамдығы мен қауіпсіз қозғалысы жақсара түсті деседі.    

– Депо паркін жаңарту жұмыс сапасын арттыратыны сөзсіз. Осы бағыттағы қолға алынған іс-шаралар бізге көрсеткіштерді жақсартуға мүмкіндік беріп отыр. Соның арқасында былтыр тасымалдау жұмыстарының көлемі 19 937 миллион тонна бруттоны құрады. Оның ішінде электр тартылымы 95,3, жылу тартылымы 92.2 пайызға атқарылды. Локомотивтердің жұмыс көлемі 462 652 сағатқа жетті. Жаңартылған тепловоздарды пайдалану бойынша барлық көрсеткіш  жоспардағыдай орындалады деп үміт артамыз, – дейді Мәди Қонысбаев.

Әлеумет
14.07.2025
Медициналық пойыз БҚО-да 7 мыңнан астам тұрғынға көмек көрсетті
Аймақтар
14.07.2025
Ақтауда Қытай компанияларының қатысуымен ірі логистикалық хаб құрылады
Аймақтар
14.07.2025
Қазақстандық жолсеріктер Deutsche Bahn тәжірибесін үйренуде
Аймақтар
14.07.2025
Елдің ықылысы – еңбектің өтеуі
Әлеумет
14.07.2025
Вокзалдағы кәсіпкерлердің құқықтары қорғалады
Жаңалықтар
14.07.2025
Теміржолшылар "Taza Qazaqstan"республикалық бастамасы аясында эко-сенбілік өткізді
Жүк тасымалы
14.07.2025
Қазақ транзитінің жаңа дәуірі басталды – сарапшы
Жаңалықтар
14.07.2025
ОА мен Оңтүстік Азияны жалғайтын теміржолға қатысты құжатқа қол қойылды
Аймақтар
14.07.2025
Берік Уәли Курчатовтағы теміржол кәсіпорнының жұмысымен танысты
Жолаушылар тасымалы
12.07.2025
ҚТЖ жазғы маусымда өзінің барлық бағдарлары бойынша 4,2 млн-нан астам жолаушыны тасымалдауға дайын
Жаңалықтар
11.07.2025
ҚТЖ басшылығы туризмді дамыту мәселелері бойынша көшпелі кеңес өткізді
Жолаушылар тасымалы
11.07.2025
ҚТЖ Астана – Бурабай бағдары бойынша «Burabay Express» жаңа электрпойызын іске қосты
ҚТЖ келбеті
11.07.2025
Мақаттың мақтанышы
Әлеумет
11.07.2025
Астанада кәсіподақтың VI есептік сайлау конференциясы өтті
Жаңалықтар
11.07.2025
Теміржол жөндеуде заманауи техника қолданылуда
Жаңалықтар / Мұрағат
11.07.2025
Қазақстан теміржолшысы газеті, №52 11 шілде 2025 жыл
Жаңалықтар
10.07.2025
ҚТЖ: Қытайдағы негізгі серіктестермен бірқатар уағдаластықтарға қол жеткізілді
Спорт
10.07.2025
Щучинск қаласындағы республикалық спартакиадаға 250 теміржолшы қатысуда
Жаңалықтар
10.07.2025
KTZ Express ЕО елдеріне экспорттық мультимодальды тасымалды ұйымдастырды
Жаңалықтар
10.07.2025
Транскаспий дәлізі: Қазақстанның көлік және цифрлық инфрақұрылымдағы жаңа бағыты