Жіңішке станциясында жүк жөнелту артты

Ақтөбе іргесіндегі Жіңішке станциясы өндірісті ауданда орналасқан, бөлімшедегі жүк тасымалының негізгі бөлігін жөнелтіп отырған аса маңызды станция.

Қыркүйек айында Жіңішке станциясында жүк жөнелту көлемі едәуір артып отыр. Станциядан еліміздің түрлі өңірлеріне және шетелдерге өнеркәсіптік және құрылыс жүктері бағытталуда.  

Атап айтқанда, бір ғана қыркүйек айында: 30 вагон мұнай, 700-ден астам вагон қара металл, 129 вагон химиялық материалдар, 429 вагон құрылыс жүктері тиеліп, жөнелтілген.  

Жүк номенклатурасы бойынша станциядан феррохром, кокс, қиыршық тас, ПГС, рельстер, шпалдар, құрылыс блоктары, және бензин, керосин, дизель отыны секілді жүктер тұрақты түрде жіберілуде.  

Жіңішке станциясының инженер-технологі Гүлжазира Жүсіпованың хабарлауынша, жүк бағыттары кеңейтілген. Атап айтсақ: ішкі бағыттар Астана, Алматы, Шекаралық бағыт – Дина Нұрпейісова станциясы, Халықаралық бағыттар – Қытай, Латвия, Литва елдеріне жүктер күнделікті әрі тұрақты жөнелту жүріп жатыр.  

Жоспарға сәйкес, қыркүйек айының соңына дейін станциядан жалпы 4800 вагон жүк жөнелтіледі деп күтілуде. Бұл – Жіңішке станциясының өңірдегі ірі жүк қабылдаушы және жөнелтуші орталық екенін тағы бір мәрте дәлелдейді.