Дарынды балалар қолдауға ие
Қызылорда облысы бойынша меншікті тілші
«Amanat» партиясының Қызылорда қалалық филиалына қарасты «Магистральды желі» бастауыш партия ұйымының ұйымдастыруымен теміржолшылардың дарынды балаларына арналған «Жаңа жыл – жаңа арман, жаңа белес!» атты тағылымды мерекелік іс-шара өтті.
Оның мақсаты – теміржолшылардың дарынды, өнерлі, білімді балаларының жетістіктерін насихаттау, балалар арасында белсенді өмір салтын қалыптастыру, жас ұрпақтың болашағына деген сенімін нығайту. Жиын барысында Қызылорда магистральдық желі бөлімшесінің директоры әрі «Магистральды желі» БПҰ төрағасы Ербол Сәулебеков жас жеткіншектерді құттықтап, халықаралық спорт жарыстарының жеңімпаздары, өнер фестивальдарының бас жүлдегерлері мен зияткерлік олимпиадалардың жүлдегерлерін марапаттады.
Олардың қатарында спорт, өнер, ғылым, шығармашылық бағыттарында қалалық, облыстық, республикалық және халықаралық деңгейде жоғары жетістіктерге жеткен Дайрабай Дидар, Дайрабай Ханбибі, Бақберген Рабия, Саматұлы Нұрперзент, Өтегенова Құралай, Жанболат Мейірлан, Ибайхан Айару, Абызбек Нұрасыл, Бекзат Ринатұлы, Темірбек Байбек, Сраждин Мадияр, Базарбай Алихан, Иманбай Бексұлтан, Базарбай Айару, Бахтиярова Майя, Нұрланұлы Олжас, Марат Айсұлтан, Төрехан Айзере, Шакибаев Нұрдәулет сынды дарынды балалар бар.
«Әр баланың жетістігі – табандылық пен еңбектің, ата-ана қолдауы мен ұстаз еңбегінің жемісі», – деп атап өтті бөлімше басшысы.